«Choć niešta ŭ hetym śviecie pavinna być stabilnym». Na «Lidskim pivie» patłumačyli, čamu nikoli nie zrobiać kvas dla prychilnikaŭ ZŁŽ
«Nam časta pišuć: zrabicie kvas biez cukru, my za pravilnaje charčavańnie», — piša pres-słužba pradpryjemstva ŭ Threads. A dalej tłumačyć, čamu heta zadača — niepasilnaja.
«Kvas — heta pradukt bradžeńnia. I kab zapuścić hety praces, patrebien cukar, kab vyklikać reakcyju droždžaŭ. Biez cukru nie budzie ni fiermientacyi, ni burbałak vuhlakisłaha hazu, a značyć i kisła-sałodkaha, taho samaha paznavalnaha smaku kvasu taksama nie budzie», — tłumačać na pradpryjemstvie technałohiju.
Paśla čaho rajać:
«Davajcie prymiem toj fakt, što kvas — napoj tradycyjny ź niaźmiennaj recepturaj i technałohijaj. A akramia lubimaha smaku, kvas — dobry pamočnik straŭniku: ambien rečyvaŭ paskoryć i dapamoža pieravaryć ciažkuju ježu.
Davajcie ekśpierymienty pakiniem dla inšych našych hazirovak. Pahadziciesia, choć niešta ŭ hetym śviecie pavinna być stabilnym».
Ciapier čytajuć
Pieršaja viasna na voli. Nina i Uładzimir Łabkovičy raskazali pra svaju historyju kachańnia i žyćcio paśla turmy5
Kamientary