A ŭ Breście pačali vypuskać novyja namazki i pasty — navat ź miasam łobstara, sapraŭdnym.
Kastryčnik padaryŭ biełarusam mnostva cikavych navinak ad ajčynnych brendaŭ, jakija radujuć aryhinalnymi praduktami i kreatyŭnymi rašeńniami. Heta nie tolki raznastajnaść smakaŭ, ale i kalekcyi, jakija natchniajuć na tvorčaść. Office Life padrychtavaŭ padborku samych cikavych navinak.
Šakaładny kvas
«Lidski kvas» pradstaviŭ dva ŭnikalnyja smaki, jakija paciešać amataraŭ niezvyčajnych spałučeńniaŭ. Pieršy — šakaładny ź lasnym arecham: mienavita biełaruski šakaład, a nie dakučlivy dubajski. Druhi smak zahłyblaje ŭ atmaśfieru śviata z notami mandaryna, hvaździki i karycy.
Taksama novy smak kvasu vypuściła kampanija «Alivaryja» — «Višnia-karyca». Heta limitavanaja viersija ciomnaha kvasu — cikavaje spałučeńnie žytniaha składnika sa słodyčču.
Salony kiefir sa smakam karnišona
Cikavuju navinku prapanuje Horacki charčovy kambinat — pieršy salony smak kiefirnaj Exponenta «karnišon — krop». Pradukt nie ŭtrymlivaje cukar, u jaho asnovie — syrovatačnyja białki, jakija lohka i chutka zasvojvajucca.
Cukierki sa smakam koły
Nie zabyłasia pra navinki i kandytarskaja fabryka «Kamunarka». Ich u jaje adrazu try.
Pieršaja — cukierki sa smakam koły, jakija źmiaščajuć dvuchsłojnuju načynku z vadkim centram, jakaja pieradaje smak papularnaha napoju.
Druhaja — cukierki ŭ małočnym šakaładzie z aryhinalnym spałučeńniem sakavitych malinaŭ i ekzatyčnaha kaktusa. Cukierka maje kambinavany korpus i nasyčanuju vadkuju načynku.
I, narešcie, jašče adna navinka — małočny šakaład z karamiellu, arachisam i fundukam.
Babłci ŭ johurcie
«Małočny śviet» raduje amataraŭ trendavaj kulinaryi sakavitymi šarykami z bubble tea ŭ dalikatnym johurcie. U šarykaŭ na asnovie naturalnaha soku try jarkija smaki: apielsin (u johurcie sa smakam koły), kłubnicy i marakuja. U kožnaj upakoŭcy jość łyžka.
Cukar ź piercam
Na pryłaŭkach biełaruskich mahazinaŭ chutka źjaviacca novyja vidy cukru ad zavoda ŭ Žabincy — cukar ź piercam i z karycaj. Jak kaža vytvorca, cukar z karycaj padydzie amataram kłasičnych spałučeńniaŭ, a cukar ź piercam stanie znachodkaj dla tych, chto hatovy da kulinarnych ekśpierymientaŭ.
Čatyry novyja smaki dla «Namazki»
Brescki miasakambinat vypuściŭ adrazu čatyry novyja smaki dla papularnaj «Namazki» — z trufielem, śmietankova-časnočny, z chrenam i časnakom, z paprykaj. Kansistencyja ŭ pradukta miakkaja i dalikatnaja, pry hetym zachavanaja tekstura miasnoha vałakna.
Taksama kampanija aktyŭna zamacoŭvajecca ŭ siehmiencie hatovaj ježy, jaki chutka raście. Ciapier na BMK padrychtavali sieryju viačer dla harniraŭ — śvinina ŭ śmietankova-syrnym, śmietankova-časnočnym, śmietankova-hrybnym i tamatnym sousach.
Pasta z łobstaraŭ
Bremor pradstaviła novuju pastu z naturalnym miasam łobstaraŭ. Abiacajuć jarki, vytančany hust «z vysokaj stupieńniu zapaminalnaści».
Syrnyja šaryki z krevietkaj
Pastaŭski małočny zavod ciapier vypuskaje dva novyja smaki syrnych šarykaŭ: krevietka na hryli i «Taj-Čyli».
Syrnyja šaryki vyrablajucca biez vykarystańnia dadatkovych tłuščaŭ mietadam vysušvańnia syru na śpiecyjalnym abstalavańni. Vytvorca zapeŭnivaje, što pa smakavych jakaściach jany nie sastupajuć čypsam. Jany padychodziać dla tych, chto viadzie zdarovy ład žyćcia.
Rapsavy alej z pravanskaj travoj
Nie zastaŭsia ŭbaku i Minski marharynavy zavod. U liniejcy handlovaj marki «Załataja kropla» źjaviŭsia rapsavy alej u šklanoj butelcy i jaho varyjant z vodaram pravanskich traŭ.
Novyja smaki ryjetaŭ i kaŭbasak
«Hanna» vypuściła adrazu try novyja smaki miasnych ryjetaŭ — z tamatami, ź zielaninaj i kłasičny. Jak piša vytvorca, heta nie prosta paštety — kansistencyja ŭ ryjetaŭ miakkaja i dalikatnaja, ale pry hetym zachavanaja tekstura miasnoha vałakna.
Akramia ryjetaŭ, brend papoŭniŭ liniejku smakaŭ vendžanych kaŭbasak. Tut ich taksama try: z čaramšoj, z harčycaj i z pažytnikam.
Čypsy z kimčy i ściaham Paŭnočnaj Karei
Novy smak čypsaŭ viadomaj marki «Premjer» — «Kimčy ramien». Na ŭpakoŭcy praduktu namalavany ściah Paŭnočnaj Karei, a pradajucca čypsy ŭ sietcy budaŭničych hipiermarkietaŭ. Taksama havorycca, što heta «abmiežavanaja sieryja».
Kalekcyja adzieńnia z adsyłkaj da mastactva XX stahodździa
Viciebski brend LSD Clothing pradstaviŭ novuju kalekcyju UNOVIS, pryśviečanuju suprematyzmu. Hetaja kalekcyja naviejanaja revalucyjaj u mastactvie pačatku XX stahodździa i pieraasensavańniem vizualnych sistem.
Unikalnyja dyzajny adlustroŭvajuć šmatsłojnaść tvorčaści praz elemientarnyja fihury: kvadrat, trochvuholnik i kruh.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary