Biełaruski hurt «Sajuz» vystupiŭ pa-biełarusku na BBC Radio 6 Music
Biełarusaŭ zaprasiŭ u efir 28 lutaha ŭpłyvovy brytanski dydžej Žyl Pitersan. Pitersan śpiecyjalizujecca na pošuku niezaležnych talentaŭ u žanrach, jakija redka traplajuć u kamiercyjny efir, adznačaŭ časopis C41. U jaho sotni tysiač padpisčykaŭ, jakija sočać za jahonymi rekamiendacyjami na roznych płatformach, piša «Radyjo Svaboda».
Sa słoŭ Žyla Pitersana, styl hurta spałučaje jeŭrapiejski falkłor, psichadeliku i matyvy brazilskaj papularnaj muzyki (a heta kaktejl z samby, basa-novy, džazu i roku).
Aŭdytoryja BBC Radio 6 Music — kala 2,7 miljona słuchačoŭ na tydzień.
Vystup hurta supravadžaŭsia zapisam u Maida Vale — studyi BBC z šmathadovaj historyjaj, dzie hrali zorki suśvietnaj muzyki.
«Sajuz» zajhraŭ treki z alboma Krok, jaki vyjšaŭ letaś u kastryčniku. Heta pieršy biełaruskamoŭny i čaćviorty pa liku albom hurta. Praŭda, pasłuchać hety vystup možna tolki ŭ Vialikabrytanii.
I BBC Radio 6 Music, i brytanski łejbł Mr Bongo, na jakim vyjšli dva apošnija albomy hurta, — pryznanyja aryjenciry ŭ intelektualnaj i alternatyŭnaj muzycy.
Pryznańnie aŭtarytetnych ekśpiertaŭ padzialajuć i słuchačy. Na niadaŭnich kancertach «Sajuza» ŭ Łondanie, Amsterdamie, Paryžy, Brusieli, Bierlinie i Kapienhahienie nie było nivodnaha niepradadzienaha kvitka.
«Sajuz» 9 hadoŭ tamu stvaryli ŭ Biełarusi kampazitar Aleks Čumak i basist Mikita Arłoŭ. Z 2022 hoda hurt bazujecca ŭ Varšavie. Nazva, pavodle zadumy, apisvaje charaktar uzajemaadnosin pamiž udzielnikami hurta.
Jak K-pop, tolki B-pop — śpiavačka Palina Dabravolskaja zapisała novy albom na biełaruskaj i polskaj movach
«Jandeks Muzyku» niemahčyma słuchać». Biełarusy aburanyja abjomami cenzury praz rasijski zakon ab prapahandzie narkotykaŭ
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Hurt «Drazdy» zadumaŭ tur pa Jeŭropie
Kamientary
"Biełaruski hurt «Sajuz» vystupiŭ pa-biełarusku na BBC Radio 6 Music"
tady užo - chaŭrus, źviaz
+1. Biełaruś: Staražytnaja i sučasnaja. Novy pohlad na historyju Centralnaj Jeŭropy. Lekcyja Tymaci Snajdera
https://youtu.be/ZWDe2A4CtbI?si=ekEVLIxYi3mzAtpf
Vialiki dziakuj za cudoŭny pierakład na rodnuju movu!!