Žychar Maładziečna vioz u elektryčcy bajavuju hranatu, a potym pastaviŭ jaje na palicu ŭ internacie
27‑hadovy žychar Maładziečna, jaki zajmaŭsia pošukam vajennych artefaktaŭ, znajšoŭ u lesie sapraŭdnuju bajavuju hranatu RH-42 časoŭ Druhoj suśvietnaj vajny. Jon pakłaŭ znachodku ŭ zaplečnik i pavioz dadomu ŭ elektryčcy. Ekśpiertyza pakazała: hranata bajazdolnaja.
Luboŭ da kalekcyjaniravańnia pradmietaŭ, znojdzienych z dapamohaj mietałašukalnika, paviarnuŭsia dla 27‑hadovaha žychara Maładziečna kryminalnaj adkaznaściu, piša «Minskaja praŭda».
Pavodle śledstva, dniom 12 kastryčnika minułaha hoda, u pošukach mietaličnych pradmietaŭ časoŭ Vialikaj Ajčynnaj vajny maładziečaniec adpraviŭsia ŭ les pablizu ahraharadka Kuraniec Vilejskaha rajona. Mietałašukalnikam jon znajšoŭ u ziamli staruju hranatu.
Pra niebiaśpiečnuju znachodku mužčyna ŭ pravaachoŭnyja orhany nie paviedamiŭ, a vyrašyŭ pakinuć jaje sabie dla papaŭnieńnia kalekcyi.
Znojdzienuju hranatu jon pavioz dadomu prosta ŭ elektryčcy i paśla, ačyściŭšy ad ziamli, źmiaściŭ na palicu ŭ pakoi internata.
Pra vyniki svaich pošukavych rabot i znojdzieny trafiej «čorny kapalnik» raskazaŭ i svaim padpisčykam u sacyjalnaj sietcy.
Infarmacyja dajšła da apieratyŭnikaŭ.
Zaklučeńnie ekśpierta paćvierdziła, što znojdzieny korpus hranaty RH-42 źjaŭlajecca bojeprypasam, prydatnym dla ździajśnieńnia vybuchu.
Spravu pieradali ŭ sud.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary