Zialenski daručyŭ ukrainskaj kamandzie na pieramovach arhanizavać sustreču z Pucinym u Ženievie
Sa słoŭ ukrainskaha prezidenta, heta — najlepšy sposab dabicca praryvu ŭ pytańni terytoryj.
Prezident Ukrainy Uładzimir Zialenski raspavioŭ, što daručyŭ svajoj kamandzie na pieramovach arhanizavać budučuju sustreču na ŭzroŭni lidaraŭ Ukrainy — ZŠA — Rasija ŭ Ženievie. Pra heta Zialenski raskazaŭ u intervju Axios, piša «Ukrainskaja praŭda».
Pavodle jahonych słoŭ, najlepšy sposab damahčysia praryvu ŭ pytańni terytoryi na pieramovach — heta asabistaja sustreča z kiraŭnikom RF Uładzimiram Pucinym. Zialenski skazaŭ, što daručyŭ svajoj kamandzie arhanizavać budučuju sustreču na ŭzroŭni lidaraŭ u Ženievie.
Taksama paviedamlajecca, što amierykanskija pasiaredniki prapanavali ŭkrainskim vojskam vyvieści svaje siły z tych častak Danbasa, jakija jany ciapier kantralujuć, i dazvolić hetaj terytoryi stać demilitaryzavanaj «svabodnaj ekanamičnaj zonaj».
Vašynhton nie zaniaŭ pazicyju adnosna taho, jakaja kraina budzie mieć suvierenitet nad hetaj terytoryjaj.
Zialenski zajaviŭ, što hatovy abmierkavać vyvad vojskaŭ, ale zaklikaŭ Maskvu advieści svaje vojski na ekvivalentnuju adlehłaść i adchiliŭ pretenzii Rasii na suvierenitet nad hetaj zonaj.
Zialenski zajaviŭ, što padčas druhoha raŭnda pieramoŭ rasiejskija čynoŭniki paabiacali prakansultavacca z Maskvoj i viarnucca z detalovaj pazicyjaj ab terytaryjalnym pytańni.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary