Start siezona atrakcyjonaŭ u stalicy zapłanavany na 24 krasavika.
Da hetaha času ŭ čatyroch parkach — imia Horkaha, Čaluskincaŭ, Uha Čaviesa i 900‑hodździa Minska — padrychtujuć kala 60 atrakcyjonaŭ. Pra heta paviedamiŭ namieśnik hienieralnaha dyrektara — hałoŭny inžynier «Minskzialonbudu» Rusłan Kasievič, pišuć Minsk-naviny.
Kvitki na atrakcyjony ŭ centralnych parkach Minska padaražejuć prykładna na 15 %.
— Apošnija hady my staralisia nie źmianiać ceny, ale ŭ hetym hodzie padaražańnie składzie kala 15 % u suviazi z tym, što techničnaje absłuhoŭvańnie, raschodnyja materyjały i zapasnyja častki istotna padaraželi, — rastłumačyŭ R. Kasievič.
Usie atrakcyjony prajšli praceduru raskansiervacyi paśla zimovaha zachoŭvańnia i mižsiezonnaje techničnaje absłuhoŭvańnie. Zaraz na zaviaršalnaj stadyi — štohadovaje techničnaje aśviedčańnie.
Asablivuju ŭvahu hałoŭny inžynier źviarnuŭ na hulniavyja kompleksy, dzie niama apieratyŭnych dziažurnych.
— Tut usia adkaznaść lažyć na baćkach, jakija pavinny kantralavać, čym zajmajecca ich dzicia. Pierad tym jak zajści na taki kompleks, nieabchodna aznajomicca z praviłami karystańnia. U kožnaha abjekta jość infarmacyjny stend, — dadaŭ R. Kasievič.
Režym raboty parkaŭ zastajecca raniejšym.
U parkach imia Horkaha, Čaluskincaŭ i Uha Čaviesa vychodnyja ŭ paniadziełak i aŭtorak, u parku 900‑hodździa Minska jość jašče adzin dadatkovy — sierada.
Toj samy masažyst raskazaŭ, navošta zdymaŭ hołych klijentak2
Kamientary