Kampanija «BiełDžy» prapanoŭvała klijentam źnižku na aŭtamabili. Ale byŭ adzin niuans
Ministerstva antymanapolnaha rehulavańnia i handlu vyniesła papiaredžańnie kampanii «BiełDžy» za parušeńni ŭ rekłamie aŭtamabilaŭ.
Padstavaj stali zvaroty hramadzian i analiz taho, jak kampanija prasoŭvała prahramu «Novyja ceny» dla madeli Belgee S50. Jak pakazała pravierka, u rekłamie padavałasia infarmacyja pra nibyta źnižki, ale faktyčnaja struktura cenaŭ była inšaj.
Raniej aŭtamabil hetaj madeli pradavaŭsia pa adnoj canie, a paźniej kampanija zajaviła pra «razavuju źnižku». Adnak novaja bazavaja cana była pavialičanaja, tamu «źnižka» raźličvałasia ŭžo ad bolš vysokaha ŭzroŭniu. U vyniku realnaja cenavaja nahruzka dla pakupnika faktyčna nie źmianiłasia, choć u rekłamie heta vyhladała jak vyhadnaja akcyja.
U MARH paličyli, što taki padychod moža ŭvodzić spažyŭcoŭ u zman adnosna sapraŭdnaj vyhady kupli, tamu zapatrabavali nie vykarystoŭvać padobnyja markietynhavyja schiemy.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam20
Kamientary