U paniadziełak pačynajecca vosień, varta rychtavacca da žoŭtaj listoty, pachmurnaha nieba i daždžoŭ. Ale pakul jašče sinoptyk Dźmitryj Rabaŭ daje niadrenny prahnoz na tydzień z 1 pa 7 vieraśnia.
Na pačatku tydnia na nadvorje budzie ŭpłyvać antycykłon i ciopłyja vilhotnyja pavietranyja masy. Čakajecca źmienlivaja vobłačnaść, istotnych apadkaŭ nie prahnazujecca. Unačy i ranicaj mahčymy słaby tuman. Načnyja tempieratury — ad +10 da +17 °C. Udzień u paniadziełak čakajecca +22…+27 °C, u aŭtorak — ad +21 u Viciebsku da +30 u Breście.
U siaredzinie tydnia zachodnija rajony apynucca pad upłyvam atmaśfiernaha frontu, što vykliča karotkačasovyja daždžy. Na astatniaj terytoryi apadki małavierahodnyja. Znoŭ čakajecca źmienlivaja vobłačnaść, unačy i ranicaj — słaby tuman. Viecier paŭdniova-ŭschodni, umierany. Nočču +11…+17 °C, udzień u sieradu +21…+26 °C.
U druhoj pałovie tydnia nadvorje zastaniecca adnosna spryjalnym, choć tempieratura krychu panizicca. Miescami mahčymyja daždžy — ad umieranych da mocnych. Načnyja tempieratury +11…+16 °C, udzień u čaćvier +22…+25 °C, u piatnicu +19…+24 °C.
Na pieršyja vychodnyja vosieni prahnazujecca pa-raniejšamu ŭmierana ciopłaje nadvorje bieź istotnych apadkaŭ.
Viecier — zachodni, paŭdniova-zachodni, umierany. Vilhotnaść da 70%. Nočču +11…+17 °C, udzień u subotu +21…+25 °C, u niadzielu +21…+27 °C.
Ciapier čytajuć
Represii razhaniajucca ci zapavolvajucca? Davajcie ličyć6
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary