Ekskursavod pakazaŭ kvateru, u jakoj u Minsku žyŭ Li Charvi Osvald
Dom na Płošča Pieramohi mnohija viedajuć jak miesca, dzie dva hady žyŭ mierkavany zabojca Džona Kienedzi.
Jak vyhladaje hetaja kvatera siońnia, u svaim instahramie pakazaŭ minski ekskursavod Pavieł Dziusiekaŭ — piša realt.by.
Płošča adnapakajovaj kvatery na vulicy Kamunistyčnaj, 4 — usiaho 27 «kvadrataŭ». Raniej kvatera była bolšaj, ale jaje padzialili na dźvie.
Ciapierašniaja haspadynia «osvaldaŭskaj» žyłpłoščy raskazała, što raniej lehiendarnaj kvateraj vałodaŭ jaje baćka. Jon vielmi zachaplaŭsia historyjaj hetaha miesca i achvotna zaprašaŭ usich žadajučych praniknucca jaho atmaśfieraj.
Naturalna, z časam kvatera nastojliva patrabavała ramontu, ale ŭładalnica pastarałasia bieražliva zachavać «muziejnuju» abstanoŭku. Tut zachavalisia navat aryhinalnyja ŭvachodnyja dźviery.
— Hetaja kvatera vielmi patrabavała ramontu, ale ja starałasia zachoŭvać toje, što było. Naprykład, padčas ramontu nam prapanoŭvali: «A davajcie naciahniem naciažnuju stol — vam i tańniej budzie».
Ja skazała: «Nie, treba pakinuć usio tak, jak było». A kali zanialisia ramontam ścien, ja ŭbačyła, što tam piać słajoŭ špaleraŭ! Kali atrymlivałasia razhledzieć malunak, ja ŭsio sfatahrafavała. I ja viedaju, jakija špalery byli pry Osvaldzie. Paśla jaho ich pieraklejvali dvojčy».
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary