U minskim HUMie źjavilisia novyja tematyčnyja vitryny, stvoranyja sumiesna avijakampanijaj «Biełavija» i HUMam. Prajekt pryśviečany jubilejam hetych arhanizacyj: u 2026 hodzie avijakampanii spaŭniajecca 30 hadoŭ, a ŭniviermahu — 75, piša Times.by.
Dyzajn vitryn padzieleny na dźvie častki. Levaja pryśviečanaja avijacyi i dziejnaści «Biełavija», a pravaja raskazvaje pra historyju HUMa. U avijacyjnaj častcy vykarystoŭvajucca elemienty, źviazanyja z padarožžami i atmaśfieraj aeraporta: siłuety samalotaŭ, tabło prylotaŭ i vyletaŭ, abłoki, panarama horada, bahažnaja stužka i skanier dla pravierki bahažu.
U častcy, pryśviečanaj HUMu, padkreślivajecca jaho historyja i tradycyi. Tam vykarystanyja ciopłyja załatyja kolery, dekaratyŭnyja hadzińniki i roznyja pradmiety, jakija nahadvajuć pra kłasičnuju atmaśfieru hałoŭnaha ŭniviermaha stalicy. Z dapamohaj technałohij štučnaha intelektu dyzajniery taksama adnavili atmaśfieru 1950‑ch hadoŭ — času, kali byŭ zasnavany hety mahazin.
Padčas raspracoŭki prajekta razhladalisia roznyja idei. Naprykład, prapanoŭvałasia zrabić «ažyŭšyja» vitryny z sapraŭdnymi akciorami abo stvaryć realistyčny sałon samalota. Adnak ad hetych zadum admovilisia, bo letam u šklanych vitrynach stanovicca vielmi horača.
U vyniku kamandy markietołahaŭ vyrašyli zrabić akcent na efiekcie pahružeńnia. U vitrynach źjavilisia ruchomyja elemienty i vialikaja kolkaść padśvietki, što robić kampazicyi bolš žyvymi i pryciahalnymi.
Pavodle słoŭ kiraŭnictva ŭniviermaha, adkryćcio centralnych vitryn zaŭsiody źjaŭlajecca važnaj padziejaj, a ciapier jany stali jašče bolš niezvyčajnymi, bo raniej u HUMie nie było vitryn z takoj kolkaściu śviatła i ruchomych detalaŭ.
Pradstaŭniki «Biełavija» adznačyli, što choć avijacyja i handal zdajucca roznymi śfierami, ich abjadnoŭvaje praca z emocyjami ludziej. Avijakampanija doryć uražańni ad padarožžaŭ, a ŭniviermah dapamahaje ludziam padrychtavacca da ich, naprykład vybraŭšy novaje adzieńnie dla pajezdki.
Stvareńnie novych vitryn zaniało kala dvuch z pałovaj miesiacaŭ. Ich hałoŭnaja meta — pryciahnuć uvahu minčan i haściej horada i zrabić haradskuju prastoru bolš cikavaj i pryhožaj.
«Ukruci hłybiej»: sietka vinnych kram zrabiła rekłamu da 8 sakavika z seksualnym padtekstam
Trevieł-błohieru vynieśli papiaredžańnie za niapravilnuju rekłamu rebrykaŭ i dranikaŭ
Hanna Siałuk zaniałasia rekłamnym biznesam
U Kalininhradzie demantavali rekłamu pa-biełarusku. Kažuć, što za kampaniju ź inšaj na zamiežnych movach
U Minsku zaŭvažyli ceły hruzavik z rekłamnaj šaŭrmoj
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju14
Kamientary
HUM, z punktu pohladu mianie, jak maleńkaj architektarki, adno z samych udałych budynkaŭ na t.zv. stalinskim praśpiekcie