Pa kamierach videanazirańnia biełarusaŭ za styrnom štrafujuć za ramiani i telefon
Biełaruskija aŭtamabilisty padzialilisia ŭ sacsietkach pieršymi «SMS ščaścia» ad Dziaržaŭtainśpiekcyi.
Pavodle słoŭ kiroŭcaŭ, ciapier na telefon ad MUS moža pryjści nie tolki paviedamleńnie ab štrafach za pieravyšeńnie chutkaści abo praterminavany techahlad, ale i papiaredžańnie ab inšych vidach parušeńniaŭ, jakija trapili ŭ abjektyŭ kamier fotafiksacyi, piša telegraf.news.
Skrynšotam paviedamleńnia ad MUS padzialiłasia ŭ Threads aŭtamabilistka z Babrujska. Pavodle jaje słoŭ, heta jaje pieršaje papiaredžańnie, jakoje «prylacieła» na mabilny z kamier fotafiksacyi. Jak raspaviała dziaŭčyna, uśled za SMS joj pastupiŭ i zvanok ad supracoŭnika DAI, jaki patłumačyŭ, što da čaho.
«Patelefanavaŭ supracoŭnik i prapanavaŭ sustrecca. Budźcie ŭvažlivyja, pryšpilvajciesia i nie razmaŭlajcie pa telefonie, na heta taksama fotafiksacyja raspaŭsiudžvajecca», — padzialiłasia nie samym pryjemnym dośviedam aŭtamabilistka.
Miarkujučy pa paviedamleńni, aficyjnaje papiaredžańnie dziaŭčynie vynieśli nie za niepryšpileny remień, jak jana zhadała ŭ dopisie, a za toje, što taja razmaŭlała pa telefonie za rulom. Mienavita hetaje parušeńnie praduhledžvaje punkt 5 artykuła 18.13 Kodeksa ab administracyjnych pravaparušeńniach (KaAP), ukazany ŭ SMS.
Darečy, maksimalnaje pakarańnie pa hetym artykule za parušeńnie kiroŭcam praviłaŭ karystańnia radyjo– i telefonnaj suviaźziu padčas ruchu — štraf u pamiery da 2 bazavych vieličyń (heta značyć da 90 rubloŭ), tak što ŭ hetym vypadku aŭtamabilistka abyšłasia minimalnym pakarańniem.
Pavodle słoŭ adnaho z kamientataraŭ, jamu taksama ŭžo telefanavali z DAI i vynieśli vusnaje papiaredžańnie za karystańnie mabilnikam za rulom. Jak vykazaŭ zdahadku kamientatar, parušeńnie taksama adsačyli darožnymi kamierami.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha33
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu132132
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu132
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Navat rektar BNTU, jaki hańbiŭ i zvalniaŭ pratestoŭcaŭ u 20-m, ciapier vydaŭ zahad ab publikacyjach u žurnałach z rejtynhami Q1-4. Na maskalskija K... zabili ŭvohule.