U Biełarusi adznačajecca pavyšeńnie ŭzroŭniu vady na bolšaści rek. Pavodle źviestak Biełhidramieta, heta źviazana z rastavańniem lodu i jaho razbureńniem.
Z 28 lutaha pa 1 sakavika adbyłosia ŭskryćcio Dźviny kala Viciebska, a taksama Vilii pablizu ahraharadka Ściešycy Vilejskaha rajona. Całkam vyzvalilisia ad lodu Vilija ŭ rajonie Vilejki i asobnyja prytoki Buha, Soža i Prypiaci.
Pa stanie na 2 sakavika lod jašče zachoŭvajecca na bolšaści rek basiejnaŭ Dźviny, Niomana, Dniapra, Biareziny, Soža i Prypiaci, a taksama na bujnych vadaschoviščach (Vilejskim, Čyhirynskim, Salihorskim, Zasłaŭskim, Čyrvonasłabrodskim) i na aziorach Narač, Dryviaty, Čyrvonaje i Łukomskaje. Taŭščynia lodu składaje ad 10 da 45 santymietraŭ. Pry hetym lod pastupova rastaje, źmianiajecca jaho struktura, źjaŭlajucca pałonki, treščyny i vada na pavierchni.
Rost uzroŭniu vady ciapier nazirajecca na rekach basiejnaŭ Dźviny, Niomana, Dniapra, Biareziny, Prypiaci i Buha. Za sutki vada padymajecca na 1—17 santymietraŭ. Razam z tym na rekach basiejnaŭ Vilii i Soža pieravažaje spad.
Kala vioski Pieršaja Słabodka Pietrykaŭskaha rajona na race Pcič, jakaja źjaŭlajecca prytokam Prypiaci, uzrovień vady ŭžo pieravysiŭ adznaku vychadu na pojmu. U najbližejšyja dni viasnovyja pracesy buduć praciahvacca. Čakajecca taksama, što Nioman kala ahraharadka Bielica Lidskaha rajona i raka Styr kala vioski Łapacina Pinskaha rajona ŭ chutkim časie mohuć vyjści na pojmu.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary