Na pasiadžeńni Kamisii pa nadzvyčajnych situacyjach pry Saviecie Ministraŭ acanili hatoŭnaść krainy da viasnovych pavodak. Ministr pa nadzvyčajnych situacyjach Vadzim Siniaŭski paviedamiŭ, što situacyja ŭ Biełarusi pakul nie vychodzić za miežy normy, ale vierahodnaść vialikich viasnovych padtapleńniaŭ jość, paviedamlaje telekanał STB.
Pavodle prahnozaŭ MNS, pry niespryjalnym raźvićci padziej padtapleńni mohuć zakranuć nasielenyja punkty, sadovyja tavarystvy i ŭčastki daroh amal u 60 rajonach. Najpierš havorka idzie pra terytoryi ŭ basiejnach bujnych rek — Prypiaci, Soža i Dniapra.
Ratavalniki ŭžo vyznačyli miescy, dzie najbolš vierahodnyja ledzianyja zatory. Dla apieratyŭnaha reahavańnia sfarmiravanyja śpiecyjalnyja zvodnyja hrupy kolkaściu nie mienš za 30 čałaviek kožnaja. Asablivaja ŭvaha nadajecca zabieśpiačeńniu transpartnaj dastupnaści ŭ patencyjna niebiaśpiečnych zonach.
Vadzim Siniaŭski adznačyŭ, što z ulikam vialikaj kolkaści apadkaŭ čakajecca tradycyjnaje raźvićcio pavodkavaj situacyi. Usie zacikaŭlenyja słužby atrymali kankretnyja zadačy, a abstanoŭka pastajanna manitorycca, asabliva napiaredadni adlihi.
Pantonna-mastavaja słužba Pinskaha centra atrada śpiecyjalnaha pryznačeńnia «ZUBR» hatovaja pry nieabchodnaści arhanizavać prajezd u rajonach, dzie vada moža pierakryć darohi. U ich rasparadžeńni jość dva typy napłaŭnych mastoŭ i paromnyja pierapravy. U MNS padkreślivajuć, što ŭsie padraździaleńni znachodziacca ŭ poŭnaj hatoŭnaści da apieratyŭnych dziejańniaŭ.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary