На пасяджэнні Камісіі па надзвычайных сітуацыях пры Савеце Міністраў ацанілі гатоўнасць краіны да вясновых паводак. Міністр па надзвычайных сітуацыях Вадзім Сіняўскі паведаміў, што сітуацыя ў Беларусі пакуль не выходзіць за межы нормы, але верагоднасць вялікіх вясновых падтапленняў ёсць, паведамляе тэлеканал СТБ.
Паводле прагнозаў МНС, пры неспрыяльным развіцці падзей падтапленні могуць закрануць населеныя пункты, садовыя таварыствы і ўчасткі дарог амаль у 60 раёнах. Найперш гаворка ідзе пра тэрыторыі ў басейнах буйных рэк — Прыпяці, Сожа і Дняпра.
Ратавальнікі ўжо вызначылі месцы, дзе найбольш верагодныя ледзяныя заторы. Для аператыўнага рэагавання сфарміраваныя спецыяльныя зводныя групы колькасцю не менш за 30 чалавек кожная. Асаблівая ўвага надаецца забеспячэнню транспартнай даступнасці ў патэнцыйна небяспечных зонах.
Вадзім Сіняўскі адзначыў, што з улікам вялікай колькасці ападкаў чакаецца традыцыйнае развіццё паводкавай сітуацыі. Усе зацікаўленыя службы атрымалі канкрэтныя задачы, а абстаноўка пастаянна маніторыцца, асабліва напярэдадні адлігі.
Пантонна-маставая служба Пінскага цэнтра атрада спецыяльнага прызначэння «ЗУБР» гатовая пры неабходнасці арганізаваць праезд у раёнах, дзе вада можа перакрыць дарогі. У іх распараджэнні ёсць два тыпы наплаўных мастоў і паромныя пераправы. У МНС падкрэсліваюць, што ўсе падраздзяленні знаходзяцца ў поўнай гатоўнасці да аператыўных дзеянняў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары