Pavietra z Zachodniaj Jeŭropy pryniasie ŭ Biełaruś značnaje paciapleńnie
Sinoptyk Dźmitryj Rabaŭ paviedamiŭ u efiry ANT, što na pieršym tydni kalandarnaj viasny — z 2 pa 8 sakavika — u Biełarusi čakajecca paciapleńnie da +13 hradusaŭ. Pavodle jaho słoŭ, heta budzie źviazana z pastupleńniem ciopłaha pavietra z Zachodniaj Jeŭropy.
Śpiecyjalist adznačyŭ, što mocnyja marazy adstupajuć, i ich źmianiajuć viasnovyja adlihi. Z pačatku sakavika atłantyčnaje ciapło ŭzmocnicca, śnieh pačnie aktyŭna rastavać. Pry hetym značnych apadkaŭ nie prahnazujecca praz pavyšany atmaśfierny cisk, a taksama nie čakajecca rezkich marozaŭ ci arktyčnych siurpryzaŭ. Nadvorje budzie typova viasnovaje — z vahańniami tempieratury i cisku.
U paniadziełak, 2 sakavika, čakajucca daždžy i mokry śnieh, mahčymyja tumany. Tempieratura nočču budzie ad —3 na ŭschodzie da +3 na paŭdniovym zachadzie, dniom — ad +1 na Viciebščynie da +8 na Bieraściejščynie.
U aŭtorak, 3 sakavika, nadvorje palepšycca dziakujučy antycykłonu: apadki spyniacca, ale zachavajucca tumany. Nočču budzie ad —3 da +1, dniom — ad nievialikaha minusa na paŭnočnym uschodzie da +5 u centry i na paŭdniovym zachadzie.
U siaredzinie tydnia istotnych źmien nie pradbačycca, adnak tumany mohuć uzmacnicca. Nočču na ŭschodzie mahčyma da —8, na zachadzie — da +2. Dniom pavietra prahrejecca ad 0 na ŭschodzie Mahiloŭščyny da +9 u Hrodzienskaj i Bresckaj abłaściach.
U čaćvier, 5 sakavika, adčujecca ŭpłyŭ vilhotnaha pavietra z paŭdniovaha zachadu Jeŭropy. Nočču budzie ad —2 da +3, dniom — ad +3 na Mahiloŭščynie da +11 na Brestčynie.
Da kanca tydnia stanie jašče ciaplej dziakujučy antycykłonu z poŭdnia Jeŭropy. U bolšaści rajonaŭ budzie sucha. Nočču kala nula, dniom — ad +4 na paŭnočnym uschodzie da +13 na zachadzie krainy.
Adnak u vychadnyja nadvorje znoŭ pahoršycca: u subotu i niadzielu čakajucca daždžy, miescami z mokrym śnieham i tumanami. Nočču tempieratura budzie vahacca ad —5 na ŭschodzie da +4 na zachadzie, dniom — ad +1…+3 na poŭnačy da +10…+11 na poŭdni i zachadzie Biełarusi.
Kamientary