Uładzimir Makiej zaŭsiody braŭ na pracu ssabojki i kazaŭ, što ŭ domie pavinna pachnuć śviežapryhatavanaj ježaj
Udava palityka Viera Palakova-Makiej raskazała, jak charčavaŭsia muž.
Aktrysa, dyrektar Minskaha teatra junaha hledača Viera Palakova-Makiej u razmovie sa Sputnik.by raskazała pra šlub ź ministram zamiežnych spraŭ Uładzimiram Makiejem, jaki praciahvaŭsia 17 hadoŭ — da śmierci palityka ŭ listapadzie 2022 hoda.
Jana kaža, što budučy naturaj tvorčaj i emacyjnaj, navučyła jaho ŭśmichacca. A jašče, jak heta ni dziŭna, — kryčać i aktyŭna žestykulavać.
— Moj muž zaŭsiody kazaŭ: «Ty možaš rabić bliskučuju karjeru, zajmacca prafiesijaj, ja nie suprać, ale ŭ domie zaŭsiody pavinna pachnuć śviežapryhatavanaj ježaj».
Tady źjaŭlajecca adčuvańnie ŭtulnaści, čyścini i kłopatu. Usie viedali, što moj muž nikoli nie jeŭ u hramadskim charčavańni — jon zaŭsiody braŭ z saboj ježu, pryhatavanuju mnoj. Tak, tyja samyja ssabojki», — skazała aktrysa.
Viera Palakova-Makiej dadała, što i siońnia, budučy čałaviekam vielmi zaniatym i addanym prafiesii, jana starajecca znachodzić čas dla chatnich spraŭ. Jana kłapocicca i pra synoŭ, i pra ŭžo davoli stałych baćkoŭ.
— Ja ŭstaju raniej za ŭsich, hatuju haračy abied i śniadanak, viadu dzicia ŭ škołu. Vyrašaju bytavyja pytańni. Kali byvajuć vychodnyja, ja, viadoma, prybiraju, myju, prasuju i rablu ŭsio toje, što robić zvyčajnaja žančyna, — skazała aktrysa.
Viera Palakova-Makiej praciahvaje tradycyju, zaviedzienuju jaje mužam: pryhatavanyja z dušoj chatnija ssabojki prysutničajuć u jaje žyćci kožny dzień.
— Ja prychodžu ŭ teatr i nie vychodžu na abied. Ja zaŭsiody jem toje, što pryhatavała i ŭziała z saboj.
Kamientary