Palitźniavolenuju Alenu Malinoŭskuju, jakuju pieraaryštavali na vychadzie z kałonii, urešcie vyzvalili ŭ zale suda
Jaje pratrymali ŭ SIZA dadatkovyja paŭhoda i abmiežavalisia hetym.
Minski haradski sud pryznaŭ palitźniavolenuju Alenu Malinoŭskuju vinavataj, adnak vyzvaliŭ jaje ŭ zale suda, bo jana ŭžo adbyła pryznačany termin pakarańnia. Prysud byŭ abvieščany 6 sakavika 2026 hoda, piša «Viasna».
Minski haradski sud 6 sakavika pryznačyŭ žančynie čatyry hady i dzieviać miesiacaŭ pazbaŭleńnia voli. Praz toje, što Alena znachodzicca za kratami ŭžo bolš za čatyry hady — hety termin byŭ zaličany sudom u termin prysudu, tamu jaje vyzvalili padčas suda.
Hetym razam žančynu abvinavacili pavodle č. 1 art. 130 KK (raspalvańnie inšaj sacyjalnaj varožaści) i č. 3 i 361 KK (zakliki da sankcyj abo inšych dziejańniaŭ, škodnych dla nacyjanalnaj biaśpieki).
Alena Malinoŭskaja była asudžanaja ŭ 2022 hodzie razam ź Lilijaj Ananian i Anatolem Łatuškam, stryječnym bratam palityka Paŭła Łatuški. Joj pryznačyli čatyry hady pazbaŭleńnia voli za «chulihanstva» (art. 339 KK) i «ździek ź dziaržaŭnych simvałaŭ» (art. 370 KK) — za malunki hierba «Pahonia» i spaleny ściah.
31 žniŭnia 2025 hoda Alena musiła vyjści na volu, ale suprać jaje ŭzbudzili novuju kryminalnuju spravu i pieraviali ŭ SIZA. Ahułam Alenie naličyli 8 epizodaŭ. U čym kankretna abvinavačvali palitźniavolenuju, pakul nieviadoma.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»7
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary