Ciopłaje nadvorje ŭžo amal całkam rastapiła śnieh pa ŭsioj Biełarusi. Ale ŭ Vilejcy nazirajecca niezvyčajnaja situacyja: tam dahetul zachoŭvajecca kala 20 santymietraŭ śniehavoha pokryva, niahledziačy na plusavuju tempieraturu, piša «Mieteavajb».
Sinoptyki tłumačać heta asablivym raźmiaščeńniem mieteastancyi. Jana znachodzicca pobač ź lesam i Vilejskim vadaschoviščam. Lod na vadaschoviščy maje vysokuju zdolnaść adbivać soniečnaje śviatło, tamu pavietra ŭ hetym miescy nahravajecca słabiej. Faktyčna ledzianaja pavierchnia pracuje jak lusterka.
Kali dźmie paŭdniovy viecier, chaładnavataje pavietra z boku vadaschovišča traplaje da mieteastancyi. Akramia taho, les pobač stvaraje cień, tamu śnieh rastaje značna pavolniej.
U astatnich častkach krainy śnieh amal źnik. Na 16 sakavika jon zastajecca tolki miescami na ŭschodzie i ŭ niekatorych paŭnočnych rajonach Biełarusi. U Minsku 15 sakavika jašče fiksavali kala adnaho santymietra śniehu, ale ŭžo 16 sakavika heta byŭ pieršy dzień bieź śniežnaha pokryva ŭ 2026 hodzie.
Kali nie ŭličvać niezvyčajnuju situacyju ŭ Vilejcy, najbolš śniehu ciapier nazirajecca ŭ Horkach Mahiloŭskaj vobłaści — kala 15 santymietraŭ. Heta tłumačycca tym, što tam za zimu nazapasiłasia bolš śniehu i tempieratura na ŭschodzie krainy nižejšaja.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary