Vyjšła kniha «Kamiani musili palacieć. Zaciortaja minuŭščyna Padlašša»
Fond «Kamunikat» vypuskaje pierakład važnaj knihi dla zachavańnia pamiaci biełarusaŭ Biełastoččyny aŭtarstva Anety Prymaki-Onišk — «Kamiani musili palacieć. Zaciortaja minuŭščyna Padlašša», piša bellit.info.
Dośvied nacyjanalnych mienšaściaŭ časta vyklučajecca z aficyjnaj historyi. U paŭnočna-uschodniaj Polščy taksama mała havaryłasia pra toje, što daviałosia pieražyć biełaruska-pravasłaŭnaj supolnaści: biežanstva, paślavajennyja pierasialeńni i złačynstvy.
Aneta Prymaka-Onišk parušaje hetaje maŭčańnie. Jana jeździć pa padlaskich vioskach, razmaŭlaje z žycharami Biełastoka, Bielska Padlaskaha, Hajnaŭki, Siamiatyčaŭ i Sakołki, čytaje archiŭnyja dakumienty i supastaŭlaje zdabytyja viedy ź mifami pra polska-biełaruskija adnosiny. Usio dziela taho, kab zrazumieć, što adbyłosia vosiemdziesiat hadoŭ tamu, i jakoje značeńnie nadajecca hetym padziejam siońnia.
«Kamiani musili palacieć. Zaciortaja minuŭščyna Padlašša» — heta kniha-śviedčańnie, važnaja nie tolki dla biełarusaŭ Padlašša, ale i dla biełarusaŭ ź mietrapolii.
«Nastolki pamiać biełarusaŭ Biełastoččyny, mienavita — naša pamiać, była zabytaja, što navat sami biełarusy nie zaŭvažali svajoj kryŭdy i svajoj trahiedyi. Zrešty, čamu tut ździŭlacca? Navat u nas na Biełastoččynie pra «Buraha» i jaho achviar havaryli tolki «na kuchni» i pryhłušanym hołasam», — raskazvaje vydaviec biełaruskaha pierakłada knihi Jarasłaŭ Ivaniuk, jaki naradziŭsia ŭ Bielsku-Padlaskim.
Aneta Prymaka-Onišk pakazvaje, što trahičnyja padziei paśla vajny adbyvalisia nie tolki na poŭdni, ale i na poŭnačy Biełastoččyny. Aŭtarka, jak i ŭ vypadku svajoj pieršaj knihi pra biežanstva, adšturchoŭvajecca ad siamiejnaj historyi — jaje dzied taksama zahinuŭ ad ruk polskaha padpolla jak nibyta «kamunist».
Z polskaj movy na biełaruskuju knihu pierakłała Natalla Rusieckaja.
Knihu Anety Prymaka-Onišk «Kamiani musili palacieć. Zaciortaja minuŭščyna Padlašša» ŭžo možna zamović na sajcie Kamunikat.shop. Adpraŭka — paśla 20 lipienia.
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2525
Kamientary