Siezonny rynak Kamaroŭki napaŭniajecca tannymi jahadami, sakavitymi kavunami i rumianymi abrykosami. U budni dzień z samaj ranicy tam užo šmat ludziej, jakija aktyŭna robiać pakupki. Chit siezona — jahady, u tym liku biełaruskija, piša Tochka.by.
Kłubnicy pradajuć pa 6,9 rubla za kiłahram. Ale jany nie samyja pryhožyja, mohuć trapicca i padhniłyja. Adnak čerhi vialikija: pakupniki biaruć viodrami na vareńnie i kampoty.
U cełym na rynku hetaja jahada kaštuje da 18,9 rubla. Źjavilisia i biełaruskija višni pa 7—9 rubloŭ. A voś čarešni — 7—30 rubloŭ za 1 kh.
Z navinak — čornyja i čyrvonyja parečki Jahady možna kupić u siarednim pa 7,9—10 rubloŭ. Ale jość i elitnyja prapanovy — pa 19,9.
Na adnym z ceńnikaŭ zahadkavaje: «lesnaja smorodina». Pradaviec kaža, što «heta niechta dapisaŭ». A jon, maŭlaŭ, pradaje zvyčajnuju smarodzinu.
Za lasnyja sunicy prosiać 20 rubloŭ za paŭlitra, čarnicy — 10 za toj ža abjom. Jość taksama prodaž na vahu — pa 12—16,9 za kiłahram.
Bujaki ŭ siarednim kaštujuć 24 rubli za 1 kh. Taksama źjaviŭsia ahrest pa 15 rubloŭ.
Harodnina stała tańniejšaj
Rezka ŭpała cana na kabački. Ciapier ich možna kupić pa 1,99—3 rubli za kiłahram. Taksama vyhadna brać kapustu pa 2 rubli, kalarovuju — pa 2—3.
Bakłažany pakul trymajuć canu — 6,9—7,9 rubla za 1 kh.
Maładuju bulbu pradajuć pa 2—5 rubloŭ za kiłahram. Morkvu možna kupić pa 1—4,5, buraki — pa 0,99—5,5 rubla.
Samaja tannaja cybula — 1,59 rubla. Jość i vielmi darahaja z Kryma, jakuju prapanujuć pa varjackaj canie — 20 rubloŭ za 1 kh.
Biełaruskija ahurki rezka ŭpali ŭ canie. Za ich prosiać usiaho 2,9—5 rubloŭ za kiłahram.
Usio bolš biełaruskich pamidoraŭ. Ceny na rynku roznyja — u dyjapazonie 5—30 rubloŭ za 1 kh. Piercu mienš — 4,9—9,9 rubla.
Źjavilisia lisički, ale ich vielmi mała — pradajuć pa 29 rubloŭ za 1 kh. Zvyčajnyja šampińjony — pa 9—12 rubloŭ.
Dla amataraŭ zielaniny taksama jość dobraja navina — jana kaštuje ŭsiaho 8—15 rubloŭ u pieraliku na kiłahramy. Heta, darečy, u razy tańniej, čym u sietkavych kramach.
Fruktovaje našeście
Vielmi šmat roznaj sadaviny. Zaraz u chadu abrykosy pa 5,9—15 rubloŭ za kiłahram. Niektaryny kaštujuć 8,9—29 rubloŭ, prykładna stolki ž — piersiki.
Apielsiny addajuć amal zadarma — pa 2,5 rubla za 1 kh, heta samy tanny varyjant. U siarednim pa rynku — pa 5—8 rubloŭ, mandaryny — pa 3,5—12 rubloŭ, limony — pa 6,9—14,9 rubla.
Usio bolš bachčavych kultur. Kavuny nastojliva prapanujuć kupić pa 5—6 rubloŭ za kiłahram, dyni — pa 3—9 rubloŭ.
Banany ŭ siarednim pa rynku kaštujuć 2,9—5,9 rubla. Jabłyki pradajuć pa 3—4 rubli, hrušy — pa 5—11 rubloŭ, ale niedarahich mała.
Kamientary