U Naraŭlanskim rajonie znajšli raniej nieviadomuju abarončuju viežu časoŭ VKŁ
Adkryćcio zrabiła archieałahičnaja ekśpiedycyja Instytuta historyi NAN Biełarusi, jakaja ciapier pracuje ŭ vioscy Antonaŭ Naraŭlanskaha rajona.
Padčas daśledavańniaŭ u Antonavie navukoŭcy znajšli muravanyja kanstrukcyi raniej navukova nie apisanych fartyfikacyjnych pabudoŭ inkastelavanaha (abarončaha) dvara (ci zamka) XVI—XVII stahodździaŭ aršanskaha starasty i znakamitaha palemista Fiłona Kmity-Čarnabylskaha i jaho ziacia, haspadarskaha dvaranina Łukaša Sapiehi.
Na pieršaj adnosna padrabiaznaj Radziviłaŭskaj karcie VKŁ 1613 hoda Antonaŭ acharaktaryzavany jak pagus cum domo nobilis («siało z domam nobila»), a dla jaho ŭmoŭnaha paznačeńnia vykarystany simvał abarončaj viežy.
Jak adznačaje viadučy navukovy supracoŭnik Instytuta historyi NAN Biełarusi Aleh Dziarnovič, padčas daśledavańnia, vierahodna, znajšli jakraz kanstrukcyi padmurka abarončaj viežy, jakaja ŭzvyšałasia nad rakoj Słaviečnaj i była viadomaja pavodle invientara 1628 hoda. Dla budaŭnictva viežy vykarystoŭvałasia pašyranaja ŭ toj čas cehła-palčatka z charakternymi barozdkami na paścieli (pavierchni).
Hidrahieałahičnaja prablema archieałahičnaha pomnika zaklučajecca ŭ tym, što jaho padmyvaje raka Słaviečna, jakaja niekali baraniła zamak. Značnaja častka pahorka z pabudovami ŭžo apynułasia ŭ race. Razam z hetym materyjałam na bierazie i ŭ vadzie apynułasia značnaja kolkaść kafli kanca XVI — pačatku XVII stahodozia. Častka hetych vyrabaŭ dekaratyŭna-architekturnaj kieramiki znachodzicca ŭ muziei Naraŭlanskaj siaredniaj škoły № 2.
Padčas ekśpiedycyi, aproč taho, znajšli reštki abarončaha vału. Sam «dvor nobila» i siało Antonaŭ byli razburanyja, vierahodna, padčas rejdaŭ kazackich adździełaŭ u siaredzinie XVII stahodździa.
U Połacku adkryli muziej samaha staražytnaha manastyra Biełarusi
Mahiloŭskija studenty zrabili adkryćcio, raźbirajučy daŭniuju archieałahičnuju kalekcyju
Archieołahi zaviaršyli sioletnija raskopki na Miency. Što znajšli?
Pad Minskam archieołahi znajšli bieraściany posud XI stahodździa
Na Novym zamku ŭ Hrodnie adšukali padmurki staražytnaha chrama, padobnaha pa architektury da Kałožy
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary