Akcior Šon Pen zamiest cyrymonii ŭručeńnia «Oskara» pajechaŭ u Kijeŭ VIDEA
Amierykanski akcior i łaŭreat premii «Oskar» Šon Pen znoŭ pryjechaŭ u Kijeŭ. Paviedamlajecca, što ŭ horad jon prybyŭ ciahnikom.
«My ŭmiejem zachoŭvać tajamnicy, tamu pra hety rejs maŭčali da apošniaha. Ciapier havorym aficyjna: Šon Pen vybraŭ Ukrainu zamiest «Oskara»! I prybyŭ Ukrainskaj čyhunkaj u Kijeŭ. I možam paćvierdzić: u tambury Šon Pen nie kuryŭ», — havorycca ŭ paviedamleńni Ukrainskaj čyhunki.
Ukrainski viadučy i kinapradziusar Juryj Harbunoŭ, paviedamlajučy pra pryjezd akciora, pavinšavaŭ Šona Pena z atrymańniem treciaj uznaharody «Oskar» i nahadaŭ, što raniej akcior atrymlivaŭ hetu premiju za roli ŭ filmach «Tajamničaja raka» i «Charvi Miłk».
U kamientaryjach karystalniki pacikavilisia, ci źviazany pryjezd akciora va Ukrainu z novymi zdymkami. Na heta Harbunoŭ adkazaŭ śćviardžalna, faktyčna paćvierdziŭšy, što vizit moža być źviazany z kinaprajektam.
Šon Pen padtrymlivaje Ukrainu ŭžo niekalki hadoŭ. Jašče ŭ 2021 hodzie jon pryjazdžaŭ u Kijeŭ, kab pracavać nad filmam pra Revalucyju Hodnaści, a taksama naviedvaŭ Danieckuju vobłaść i sustrakaŭsia z ukrainskimi vajskoŭcami.
Paśla pačatku poŭnamaštabnaj vajny akcior adkryta vykazvaŭ padtrymku Ukrainie. Jon zaklikaŭ arhanizataraŭ cyrymonii «Oskar» dać słova ŭkrainskamu prezidentu Uładzimiru Zialenskamu i navat prapanoŭvaŭ bajkatavać mierapryjemstva, kali padtrymki nie budzie.
U 2022 hodzie Pen znoŭ pryjazdžaŭ u Kijeŭ, dzie praciahvaŭ pracu nad dakumientalnym filmam pra vajnu. Padčas toj pajezdki jon naviedaŭ Buču i Irpień, jakija byli vyzvalenyja ad rasijskich vojskaŭ, i sustrakaŭsia ź miascovymi žycharami.
Taksama ŭ listapadzie 2022 hoda akcior pieradaŭ adnu sa svaich statuetak «Oskar» prezidentu Ukrainy jak simvał viery ŭ pieramohu krainy. Raniej paviedamlałasia, što jon navat razhladaŭ ideju pierapłavić svaju ŭznaharodu na kuli dla ŭkrainskich vajskoŭcaŭ.
«Oskar-2025»: «Bitva za bitvaj» nazvany najlepšym filmam
Majkł B. Džordan źmianiŭ raskłady ŭ oskaraŭskaj honcy: film «Hrešniki» atrymaŭ hałoŭnyja ŭznaharody na «Premii akcioraŭ»
BAFTA-2026: najbolš pryzoŭ u «Bitvy za bitvaj», najlepšym dakumientalnym filmam staŭ «Spadar Nichto suprać Pucina»
Šon Pen za 1 dalar źniaŭsia va ŭkrainskim filmie ab vajnie. Što heta za film?
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»7
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary