Viaskoŭcy złavili cuda-źviera, ale jon źnik pry dziŭnych abstavinach
Zdajecca, adbyłosia čarhovaje źjaŭleńnie paŭmifičnaha lasnoha kata biełarusam. Spačatku źvier zabraŭsia ŭ viaskovy kuratnik, zahryz niekalki ptušak, potym trapiŭ u pakinuty tam kapkan, a na nastupny dzień tajamniča źnik (pakinuŭšy paśla siabie hroznaje videa i kuču kurynych pioraŭ). Ciapier usie hadajuć, jak heta mahčyma, piša Onliner.by.
Epapieja ź lasnym katom ciahniecca nie pieršy hod. Ličyłasia, što apošni biełaruski ekzemplar byŭ zabity palaŭničym u 1927 hodzie. Pakul u 2017‑m padobnaja žyvioła nie była zafiksavana fotapastkaj u biełaruskaj častcy čarnobylskaj zony (nie vielmi vyrazna).
Sercam usie razumieli, što heta mienavita jon, ale dla farmalnaha paćvierdžańnia hetaha zdymka tady akazałasia niedastatkova.
A 16 červienia 2025 hoda lasny kot patrapiŭ na barsukovuju fotapastku ŭ nacparku «Prypiacki». Krasavaŭsia tam z usich kacinych sił.
Z tych časoŭ jak u vadu kanuŭ — niahledziačy na sproby vyličyć jaho i zdabyć choć troški bijamateryjału dla analizu.
Zalez maradziorničać
Pra čarhovaje mierkavanaje źjaŭleńnie lasnoha kata paviedamiŭ naturalist-amatar Juryj Malec, jaki sam daviedaŭsia pra ŭsio ad vidavočcy. Padziei razhortvalisia ŭ vioscy Dziaržynsk Lelčyckaha rajona. 14 sakavika źviera znajšli ŭ svaim chlavie miascovyja žychary: trapiŭ łapaj u pakinuty kapkan. Pierad hetym paśpieŭ zabić šeść kurej.
Kapkan macavaŭsia łancuhom da viertykalna stajačaj žerdki. Pakidali jaho ŭ raźliku na kunicu ci tchara — trapiŭsia zusim unikalny piersanaž.
Źnik razam z kapkanam i łancuhom
Źviera časova tak i pakinuli ŭ chlavie — «da vyśviatleńnia abstavin». Haspadary pajšli na pracu, kali viarnulisia, žerdka valałasia na ziamli, kot adsutničaŭ. Kažuć, źnik (razam z kapkanam i łancuhom) u pramiežak času z 5:30 da 7:00. Ciapier hadajuć, sam vykruciŭsia ci chto dapamoh.
Zastałosia videa, jakoje daje ŭjaŭleńnie pra toje, jak kot vyhladaŭ.
U «Prypiackim» udakładnili: heta nie «ich» ekzemplar, vidać pa afarboŭcy. Heta značyć, mahčyma, lasnych katoŭ u Biełarusi ŭžo bolš za adnaho.
Entuzijast Malec spadziajecca, na miescy zastalisia bijałahičnyja ślady źnikłaha źviera (naprykład, poŭść), pa jakich možna budzie narešcie fizična paćvierdzić vid žyvioły.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ11
Kamientary