U Rasii ŭźnikli maštabnyja prablemy z pracaj miesiendžara Telegram. Pavodle paviedamleńniaŭ karystalnikaŭ z roznych rehijonaŭ, uklučajučy Maskvu i Sankt-Pieciarburh, servis praktyčna nie pracuje navat pry vykarystańni VPN — va ŭsich viersijach: mabilnaj, desktopnaj i veb, piša Deutsche Welle.
Ekśpierty miarkujuć, što ŭ hetaj krainie ŭžo pačałasia poŭnaja błakiroŭka Telegram. Pa ich słovach, padklučeńnie praz rasijskija IP-adrasy amal niemahčymaje, a mnohija VPN-servisy nie zdolnyja abyjści abmiežavańni, asabliva kali ŭ horadzie aktyŭnyja tolki sajty z «biełaha śpisu».
Prezident Asacyjacyi apierataraŭ suviazi «MAKATIEŁ» Alaksiej Amielkin adznačyŭ, što prablemy z Telegram u Rasii nazirajucca daŭno, ale ŭ minułyja dni ŭzraśli skarhi na desktopnuju viersiju. Pa jaho słovach, jakaść pracy zaležyć ad sietki — mabilnaj ci stacyjanarnaj, rehijona i navat kankretnaha miesca, pakolki ŭ roznych rehijonach mohuć prymianiacca roznyja abmiežavańni.
U minułyja vychadnyja kolkaść skarhaŭ na Downdetector i «sboj.rf» značna ŭzrasła, hałoŭnym čynam ad karystalnikaŭ Maskvy, Sankt-Pieciarburha i Maskoŭskaj vobłaści.
Akramia taho, 16 sakavika Tahanski rajonny sud Maskvy aštrafavaŭ Telegram na 35 miljonaŭ rubloŭ za admovu vydalić kantent, pryznany ŭ Rasii zabaronienym, uklučajučy zakliki da nibyta «ekstremizmu», materyjały parnahrafičnaha charaktaru z udziełam niepaŭnaletnich i infarmacyju pra sposaby vytvorčaści i nabyćcia narkotykaŭ.
Ciapier čytajuć
Pačobut parazvažaŭ, ad čaho zaležyć budučynia Biełarusi9
Kamientary
a jeśli on nie pomohajet, to libo vsio zbłokirovano (i potieriavši hołovu po vołosam nie płačut), libo VPN h***o.