U budynku pačałasia maštabnaja rekanstrukcyja.
Unutry zaraz razhortvajecca maštabnaja budaŭničaja praca: pracujuć adbojnyja małatki, na dvor zajazdžajuć bietonamiašałki, samazvały i inšaja technika. Budaŭniki pačali z maštabnaha demantažu, paviedamlaje Minskbud.
U błoku A, jaki vychodzić na praśpiekt Niezaležnaści, rabočyja ŭžo razabrali ŭnutranyja pieraharodki, źniali staryja stoli i bietonnyja padłohi, demantavali kamunikacyi, ačyścili ścieny ad tynkoŭki. Ciapier tam uzmacniajuć kanstrukcyi i ŭzvodziać novyja pieraharodki. Cahlanyja ścieny dadatkova ŭmacujuć śpiecyjalnaj technałohijaj — tarkreciravańniem.
Amal zavieršany raboty pa zamienie pakryćcia dachu. Pry hetym formu dachu vyrašyli zachavać, kab źniešni vyhlad budynka zastaŭsia niaźmiennym.
Mnohija inšyja elemienty histaryčnaha korpusa taksama vyrašyli pakinuć bieź źmien.
«Prajektam praduhledžana restaŭracyja fasada (z zachavańniem źniešniaha abličča budynka. Nie źmienicca i prastorava-płanirovačnaja struktura interjeraŭ», — adznačyŭ majstar budaŭničaha kiravańnia №199 Mikita Kavalenia.
Heta aznačaje, što ŭ budynku zastanucca halerei, hałoŭny marmurovy viestybiul, histaryčnyja vokny, a taksama ŭvachodnyja hrupy z paliravanymi dubovymi dźviaryma.
Ciapier u korpusie idzie poŭnamaštabnaja madernizacyja inžyniernaj častki. Na abjekcie pracujuć elektramantažniki, najbližejšym časam da ich dałučacca santechniki, a paśla pačnuć pracavać tynkoŭščyki.
Pa słovach Mikity Kavaleni, rekanstrukcyja pravodzicca z navukovym supravadžeńniem i praduhledžvaje poŭnaje abnaŭleńnie ŭnutranych elemientaŭ budynka.
U pryvatnaści, zamieniać pieraharodki, inžyniernyja sietki, dźviery, padłohavyja pakryćci, stol, lifty i liftavyja šachty. Taksama abnoviać aktavy zał, biblijateku, čytalnyja pamiaškańni, vučebnyja aŭdytoryi, navukovyja łabaratoryi, muziej BDU i stałovuju.
Paśla zaviaršeńnia rekanstrukcyi ŭ korpus pastaviać novuju meblu i sučasnaje abstalavańnie.
Ciapier čytajuć
Babaryka: Kali b my pieramahli — vajny va Ukrainie nie było b32
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary