Ci mohuć admović u polskim hramadzianstvie z-za štrafaŭ za parušeńnie PDR
Žurnalist Alaksiej Dzikavicki ad imia abjadnańnia «Biełaruskaja dyjaspary ŭ Polščy» źviarnuŭsia ŭ Ministerstva ŭnutranych spraŭ. Adkaz polskaha viedamstva jon apublikavaŭ u svaim fejsbuku.
«U studzieni my nakiravali ŭ ministerstva list, u jakim vykazali mierkavańnie, što traktavańnie niaznačnych parušeńniaŭ PDR jak «pahrozy biaśpiecy hramadstva» źjaŭlajecca praźmiernym i nie pavinna pazbaŭlać ludziej nadziei na atrymańnie hramadzianstva», — piša Alaksiej Dzikavicki.
Na pačatku sakavika Tavarystva atrymała adkaz ź ministerstva na vaśmi staronkach, padpisany dyrektarkaj Departamienta hramadzianstva i repatryjacyi Monikaj Prus, voś što havorycca ŭ adkazie:
1. Paniaćcie «pahroza hramadskamu paradku» — mienavita tak vajavody traktujuć parušeńni pravił darožnaha ruchu — nie źjaŭlajecca stałym, jano źmianiajecca z časam. Staŭleńnie da parušeńniaŭ PDR jak da niaznačnych užo ŭ minułym. U naš čas ułady prymajuć roznyja miery, u tym liku zakanadaŭčyja, kab parušeńni PDR usprymalisia jak realnaja pahroza hramadskamu paradku i biaśpiecy. Tamu pretendenty na hramadzianstva pavinny ŭličvać heta i nie mohuć raźličvać na atrymańnie hramadzianstva, kali majuć parušeńni PDR.
2. Ministerstva ličyć, što pry razhladzie pytańnia, ci źjaŭlajecca pretendent na hramadzianstva pahrozaj hramadskamu paradku, nieabchodna rabić tak zvany «prahnoz pavodzin zajaŭnika ŭ śfiery vykanańnia PDR». Inšymi słovami, aceńvajecca, ci jość padstavy mierkavać, što inšaziemiec paśla atrymańnia hramadzianstva budzie parušać praviły darožnaha ruchu. Dla hetaha ŭličvajecca, kolki razoŭ čałaviek parušaŭ PDR i ci jość tendencyja da sistematyčnaha ihnaravańnia pravił».
«U suviazi z hetym možna ŭmoŭna skazać: kali majecie adno parušeńnie PDR, šaniec na atrymańnie hramadzianstva jašče zastajecca. Kali parušeńniaŭ bolš — to čym ich bolš, tym mienšyja šancy na hramadzianstva. A kali vy niekalki razoŭ na praciahu adnaho hoda parušali PDR, to šancy atrymać hramadzianstva surjozna źnižajucca», — reziumuje Alaksiej Dzikavicki.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary