Pamiłavanaha i departavanaha ŭkrainca, jaki dva hady byŭ u kałonii Škłova, mabilizavali na front
Alaksandra Katoviča zabrali ŭ vojska 19 lutaha.
Žychara Adesy Alaksandra Katoviča, jaki pravioŭ bolš za dva hady ŭ škłoŭskaj kałonii praz krytyčnyja kamientary ŭ adras biełaruskaj ułady, na radzimie mabilizivali na front, paviedamlaje «Jeŭraradyjo».
Alaksandra siłaviki abvinavačvali ŭ stvareńni kanała «Biełaruś za MKADam». Ale heta nie tak — jon tolki pisaŭ tam kamientary ŭ čacie. Mužčynu vyzvalili i abmianiali ź inšymi hramadzianami Ukrainy ŭ listapadzie 2025 hoda.
Katovič raspavioŭ, što jaho zabrali ŭ vojska 19 lutaha. Heta značyć, što jon tak i nie atrymaŭ ad ukrainskich uładaŭ statusa paciarpiełaha ad palityčnaha pieraśledu krainy-ahresara.
Hety status daje hramadzianam Ukrainy prava na miedycynskuju reabilitacyju i aficyjnuju adterminoŭku ad vajskovaj słužby. Katovič patłumačyŭ, što jon nie paśpieŭ padać prašeńnie i zaraz nad jaho spravaj pracuje advakat.
Ukrainski pravaabaronca Uładzimir Javorski raniej tłumačyŭ «Jeŭraradyjo», što situacyja z pryznańniem statusu cyvilnych asob, jakija znachodzilisia ŭ biełaruskim pałonie abo ŭ biełaruskich miescach pazbaŭleńnia voli, źjaŭlajecca davoli składanaj i nieadnaznačnaj.
«Akramia taho, atrymańnie statusu naŭprost źviazana z paniaćciem «dziaržava-ahresar». Na siońnia takoj aficyjna pryznana tolki Rasijskaja Fiederacyja. Biełaruś farmalna ŭ hety pieralik nie ŭvachodzić».
Tym nie mienš na praktycy ŭžo byli vypadki, kali ludziam, vyzvalenym ź miescaŭ pazbaŭleńnia voli ŭ Biełarusi, usio ž prysvojvali adpaviedny status.
«Heta sistemnaja prablema, źviazanaja z tym, što miechanizm pracy kamisii raspracoŭvaŭsia jašče da poŭnamaštabnaha ŭvarvańnia i nie byŭ raźličany na ciapierašnija maštaby», — padkreślivaŭ Javorski.
Byłoha supracoŭnika kontrraźviedki KDB aryštavali za zdradu dziaržavie9
Kamientary
Vsie, kto prošioł łukašistskije tiuŕmy, znajut eto.
O čiem dumał, kohda , buduči hraždaninom Ukrainy i živia v stranie-sojuźnicie Rośsii, privlekał k siebie vnimanije?
V Biełarusi chvatali dažie biez pričin hraždan Ukrainy, pripisyvaja im špionaž, a tut sam naprosiłsia