Vice-ministr zamiežnych spravaŭ Polščy: My nikoli nie pahodzimsia na Biełaruś jak častku ruskaha śvietu
U miežach śviatkavańnia biełaruskaha Dnia Voli, jakoje tradycyjna ładzić MZS Polščy, vice-ministr zamiežnych spravaŭ Polščy Uładzisłaŭ Teafił Bartašeŭski akcentavaŭ svaju ŭvahu na tym, što Polšča zrobić usio mahčymaje, kab supraciŭlacca situacyi, u jakoj zaachvočvajucca nieaimpierskija i nieakałanijalnyja ambicyi Rasii, što razhladaje Biełaruś jak častku ruskaha śvietu. «My nikoli na heta nie pahodzimsia», — padkreśliŭ jon.
«Demakratyčnaje raźvićcio Biełarusi maje pryncypovaje značeńnie dla Polščy, našaha rehijona i Jeŭropy i źjaŭlajecca pieradumovaj dla biaśpieki i raźvićcia. My nie chočam, kab Łukašenka kiravaŭ Biełaruśsiu, my nie chočam, kab rasijanie kiravali Biełaruśsiu. My chočam volnych biełarusaŭ, jakija dałučacca da Jeŭrasajuza i ź jakimi ŭ nas buduć narmalnyja dziaržaŭnyja adnosiny», — zajaviŭ vice-ministr.
Jon taksama raspavioŭ, što paśpieŭ pahutaryć z nacyjanalnaj lidarkaj Biełarusi Śviatłanaj Cichanoŭskaj na temu taho, jak praciahvać vieryć u niezaležnaść, kali vakoł takija kryvavyja dyktatary, jakija pryhniatajuć narod.
«Ja liču, što inšaha varyjanta [jak praciahvać vieryć] niama, — adznačyŭ Uładzisłaŭ Teafił Bartašeŭski. «My prajšli toj ža šlach. Viadoma, Polščy było lahčej, tamu što my nie byli častkaj Savieckaha Sajuza. I my heta razumiejem i šanujem. Ale na praciahu dziesiacihodździaŭ my mieli niezaležny ŭrad u vyhnańni i zaŭsiody vieryli, što heta sapraŭdny ŭrad našaj krainy. I my zaŭsiody vieryli, što adnojčy my budziem volnyja. Na heta syšoŭ čas — z 1945 pa 1990 hod. Ale ŭrešcie my hetaha damahlisia. Nie ŭsie pakaleńni palakaŭ vieryli, što buduć volnymi pry ich žyćci, ale nie sumniavalisia, što ŭrešcie svaboda budzie».
«Z 2020 hoda prajšło amal šeść hadoŭ. Ale jość śviatło. U vas jość pradstaŭniki, jakija pracujuć vielmi efiektyŭna i imknucca rabić samaje važnaje — jadnać roznyja hrupy biełaruskich emihrantaŭ, tamu što tut jany mohuć pracavać jak volnyja ludzi. Ja chaču, kab vy ŭsie zrazumieli, što fundamientalnaja meta kožnaha biełarusa — stvareńnie suvierennaj, niezaležnaj, demakratyčnaj Biełarusi jak častki Jeŭropy. Tamu što nie moža być volnaj Jeŭropy biez volnaj Biełarusi. My ž u svaju čarhu zaŭsiody vieryli, što niama svabody biez salidarnaści. My salidarnyja ź Biełaruśsiu», — padkreśliŭ polski vice-premjer.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
Voś na heta musiać źviarnuć uvahu redaktary i aŭtary artykułaŭ Našaj Nivy! I bolej nikoli nie nazyvać Łukašenku "biełaruskim lidaram", a jaho pasłuhačoŭ "biełaruskimi ŭładami". Biarycie prykład z palakaŭ.