Dziaŭčyna vyjhrała sud pa spravie ab zaležnaści ad sacsietak — Meta i Google chočuć aštrafavać za toje, jak pabudavanyja ich płatformy
U ZŠA adbyŭsia hučny sudovy praces, dzie sacsietki pasprabavali pryciahnuć da adkaznaści nie za kantent, a za sam dyzajn płatformaŭ. I prysiažnyja ŭstali na bok karystalnika, piša TechCrunch. Detali pierakazvaje devby.io.
Sud u Łos-Andželesie pryznaŭ Meta i Google vinavatymi ŭ chałatnaści pa spravie ab škodzie sacsietak dla psichičnaha zdaroŭja padletka.
Pazoŭnikam vystupała dziaŭčyna pa imieni Kejli, jakoj zaraz 20 hadoŭ. Jana śćviardžała, što ŭ padletkavym uzroście ŭ jaje źjaviłasia zaležnaść ad Instagram i YouTube, što pryviało da tryvožnaści, depresii i rasstrojstva, źviazanaha z usprymańniem svajho cieła.
Prysiažnyja vyrašyli, što kampanii niasuć adkaznaść — nie za kankretnyja pasty, a za toje, jak uładkavanyja ich płatformy. U sudzie abmiarkoŭvali, naprykład, biaskoncuju stužku i inšyja miechaniki, jakija prymušajuć karystalnikaŭ pravodzić u dadatkach bolš času. Sud abaviazaŭ kampanii vypłacić kala $6 młn: prykładna $4,2 młn pavinna zapłacić Meta i $1,8 młn — Google.
Jurysty sprabavali dakazać, što kampanii viedali pra ryzyki dla padletkaŭ. U sudzie pakazvali ŭnutranyja dakumienty, zhodna ź jakimi kampanii vyvučali, nakolki ich servisy mohuć vyklikać zaležnaść u maładych karystalnikaŭ, i pry hetym praciahvali ŭkaraniać rašeńni, jakija pavyšajuć uciahnutaść. Kiraŭniki kampanij, uklučajučy kiraŭnika Meta Marka Cukierbierha, davali pakazańni i abaraniali rašeńni kampanii — naprykład, admienu časovaj zabarony na bjuci-filtry, jakija ŭnutry kampanii ličyli patencyjna škodnymi dla dziaŭčynak-padletkaŭ.
Hetaja sprava ličycca pakazalnaj — svajho rodu testavym pracesam dla tysiač anałahičnych iskaŭ, jakija zaraz razhladajucca ŭ sudach Kalifornii. U apošnija hady ŭ ZŠA raście cisk na technakampanii z-za ŭpłyvu sacsietak na dziaciej i padletkaŭ. Zakanadaŭstva nie paśpievaje za technałohijami, tamu baraćba ŭsio čaściej pieranosicca ŭ sudy.
Kampanii z rašeńniem nie zhodnyja i buduć padavać apielacyi. Ale sam vierdykt užo moža mieć nastupstvy dla ŭsioj industryi: kali sudy pačnuć pryznavać, što škodu moža pryčyniać pabudova płatformaŭ, a nie tolki kantent, sacsietkam, mahčyma, pryjdziecca mianiać ałharytmy, interfiejsy i miechaniki ŭciahvańnia, navat kali heta zapavolić ich biznes.
-
Jak zrabić dron amal niabačnym? Navukoŭcy prapanavali niečakana prostaje rašeńnie
-
Jon nahadvaje marskoha skata: amierykanski startap stvaryŭ samalot biez zvykłych kryłaŭ i iluminataraŭ, jaki moža stać novaj staronkaj u avijacyi
-
Asteroid, jaki źniščyŭ dynazaŭraŭ, moh vyklikać pažary pa ŭsioj płaniecie
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
Čto v itohie, budut diełať produkty kak možno chužie, čtoby nikomu nie nraviliś i nie vyzyvali zavisimosti?
Dyzajn jaki stymuluje biaskoncaje spažyvańnie pavinien być opt-in a nie by default, z usimi papiaredžańniami. Taksama ŭ stužcy jak na pačcy cyharet pavinny źjaŭlacca pieryjadyčnyja šok-malunki ab škodzie złoŭžyvańnia dla psichičnaha zdaroŭja