I što treba zrabić u pieršyja hadziny.
Doktar-infiekcyjanist pryjomnaha adździaleńnia Haradskoj kliničnaj infiekcyjnaj balnicy Minska Mikita Sałaviej nahadaŭ u fejsbuku pra hałoŭnyja praviły pry ŭkusie klašča.
Kali vas ukusiŭ klešč, to paśla jaho vydaleńnia treba adnakratna pryniać daksicyklinu (200 mh darosłym, 4,4 mh/kh, ale nie bolš za 200 mh dzieciam).
«Navat dzieciam i ciažarnym adnakratna doksicyklin možna! Pić jaho daŭžej za 1 dzień dla prafiłaktyki biessensoŭna — heta nie abaronić vas macniej, ale ŭdaryć pa mikrabijocie», — źviartaje ŭvahu śpiecyjalist.
Zdavać klašča ŭ łabaratoryju bieskarysna.
«My lečym ludziej, a nie klaščoŭ! Navat kali pryjdzie «drenny» vynik, vaša taktyka nie mianiajecca: adnakratna doksicyklin u pieršyja 72 hadziny + nazirańnie za samaadčuvańniem i miescam ukusu roŭna miesiac».
Nie treba adrazu biehčy zdavać analizy kryvi, bo «čaroŭnych» testaŭ niama.
«Rannija analizy nie pakažuć infiekcyju. Antycieły pry kleščavym encefalicie źjaŭlajucca nie raniej za 2 tydni ad pieršych simptomaŭ, a pry chvarobie Łajma — tolki praz 4—6 tydniaŭ paśla źjaŭleńnia na skury mihryrujučaj erytemy (plamy)», — tłumačyć miedyk.
Simptomy ŭ pieršyja dni — heta nie infiekcyja, kaža Sałaviej.
«Čyrvonaja plama ŭ pieršyja hadziny abo lohkaje niedamahańnie — heta prosta alerhija na ślinu klašča. U luboj infiekcyi jość inkubacyjny pieryjad — jon nie byvaje mienšym za 3 dni».
Imunahłabulin nie pracuje.
«Zhodna z pratakołami ŭ Biełarusi, supraćkleščavy imunahłabulin nie vykarystoŭvajecca dla prafiłaktyki kleščavoha encefalitu — jon nieefiektyŭny. Adzinaja realnaja abarona — heta vakcynacyja», — papiaredžvaje doktar.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary