«Jon nie dumaŭ, što budzie całavać mianie ŭ sraku». Tramp vykazaŭsia pra adnosiny z naślednym pryncam Saudaŭskaj Aravii
Pa słovach prezidenta ZŠA Donalda Trampa, naśledny prync Saudaŭskaj Aravii (faktyčny ciapierašni kiraŭnik krainy) Muchamied ibn Sałman Al Saud nibyta nie čakaŭ ciapierašniaha raźvićcia padziej i ciapier vymušany być bolš łajalnym da ZŠA. Tramp śćviardžaje, što raniej toj raźličvaŭ na słabiejšuju pazicyju Vašynhtona, ale ciapier pavinien źmianić svoj padychod i adnosiny z amierykanskim bokam.
«Jon nie dumaŭ, što budzie całavać mianie ŭ sraku. Sapraŭdy nie dumaŭ. Jon dumaŭ, što heta budzie prosta jašče adzin amierykanski prezident-niedareka, pry jakim kraina kocicca ŭniz, ale ciapier jon vymušany być sa mnoj vietlivym. Skažycie jamu, što jamu lepš sa mnoj nie svarycca. Jon pavinien być vietlivym», — zajaviŭ Tramp.
U kantekście biahučaj situacyi na Blizkim Uschodzie krainy Piersidskaha zaliva sapraŭdy pierahladajuć svaju pazicyju adnosna kanfliktu i ŭpłyvu Irana. Niekatoryja ź ich vykazvajuć aściarohu z-za mahčymych pahroz dla enierhietyčnych pastavak u rehijonie, a tamu vystupajuć za bolš žorstkuju palityku ŭ dačynieńni da Tehierana, choć raniej byli bolš aściarožnyja.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca4
Kamientary