Ukraina i Saudaŭskaja Aravija padpisali damovu ab abaronnym supracoŭnictvie
Pavodle ŭmoŭ padpisanaha dakumienta, Kijeŭ budzie dapamahać Er-Ryjadu ŭ raspracoŭcy nieabchodnych kampanientaŭ supraćpavietranaj abarony.
Prezident Ukrainy Uładzimir Zialenski adznačyŭ u svaim telehram-kanale, što dakumient budzie asnovaj dla technałahičnaha partniorstva i inviestycyj, a taksama ŭzmacniaje mižnarodnuju rolu Ukrainy jak «dadatkovaha pastaŭščyka biaśpieki». Jon padkreśliŭ, što Ukraina hatova dzialicca svaim vopytam i sistemami z Saudaŭskaj Aravijaj, kab pavysić abaronu žyćciaŭ.
Zialenski źviarnuŭ uvahu, što ŭžo piaty hod ukraincy supraćstajać atakam balistyčnaj zbrojaj i dronami, anałahičnymi iranskim Shahed, jakija ciapier vykarystoŭvajucca ŭ rehijonie Piersidskaha zaliva. Jon adznačyŭ, što supracoŭnictva moža być uzajemavyhadnym.
Damova była padpisanaja 26 sakavika pierad sustrečaj Zialenskaha sa spadčynnym pryncam Saudaŭskaj Aravii (faktyčnym kiraŭnikom krainy) Muchamiedam bien Sałmanam Al Saudam u Džydzie. Ad ukrainskaha boku na padpisańni prysutničali sakratar Rady nacyjanalnaj biaśpieki i abarony Rustem Umieraŭ, pieršy namieśnik kiraŭnika administracyi prezidenta Siarhiej Kiślica i načalnik Hienštaba USU Andrej Hnataŭ.
Damova praduhledžvaje nie tolki dapamohu ź pierachopnikami, ale i stvareńnie sistemy SPA, jaje intehracyju ź inšymi kampanientami, vykarystańnie vopytu Ukrainy, technałohij štučnaha intelektu i analityki dla supraćdziejańnia bieśpiłotnikam Shahed.
Z pačatku vajny ZŠA i Izraila suprać Irana Kijeŭ prapanoŭvaje padtrymku ŭ abaronie ad iranskich dronaŭ Shahed, jakija vykarystoŭvajucca taksama rasijskaj armijaj va Ukrainie. Pa stańnie na siaredzinu sakavika ad Ukrainy znachodzicca 201 vajskovy ekśpiert u krainach Blizkaha Ŭschodu i jašče 34 hatovyja da razhortvańnia. Ukraina ŭžo supracoŭničaje z AAE, Kataram, Saudaŭskaj Aravijaj i Kuviejtam, kab praduchilić iranskija ataki suprać susiednich krain.
27 sakavika Zialenski sustreŭsia z ukrainskimi ekśpiertami ŭ Saudaŭskaj Aravii, dzie jany abmiarkoŭvali prablemnyja pytańni i mahčymyja źmieny dla ŭzmacnieńnia abarony ludziej i žyćciaŭ ad iranskich šachiedaŭ i rakiet.
Zialenski palacieŭ u Saudaŭskuju Araviju damaŭlacca pra vajskovaje supracoŭnictva
Saudaŭskaja Aravija i AAE prosiać Trampa nie spyniacca ź Iranam
Ukrainskija daradcy byli ŭ šoku, kali ŭ Piersidskim zalivie na adnu cel vypuskali vosiem rakiet Patriot — ahulnym koštam $25 miljonaŭ
Saudaŭski naftahazavy hihant choča nabyć ukrainskija drony-pierachopniki
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha41
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142142
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu142
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary