Orban na pieradvybarčym mitynhu sarvaŭsia i nakryčaŭ na pratestoŭcaŭ
Premjer-ministr Vienhryi Viktar Orban zakryčaŭ na pratestoŭcaŭ padčas ułasnaha pieradvybarčaha mitynhu ŭ horadzie Dźjor, jaki zaŭsiody ličyŭsia apłotam jaho partyi. Častka ludziej sustreła jaho tam płakatami i vykrykami pra karupcyju i ekanamičny kryzis, paviedamlaje vydańnie HVG.
Padčas svajho pieradvybarčaha turne premjer-ministr Vienhryi Viktar Orban vystupaŭ 27 sakavika ŭ horadzie Dźjor, jaki dziesiacihodździami padtrymlivaŭ jaho partyju «Fides». Hetym razam, adnak, jon sutyknuŭsia z rekordnaj kolkaściu pratestoŭcaŭ. Vialikaja ich kolkaść na płoščy, padobna, vyvieła Orbana z raŭnavahi i jon pačaŭ na ich kryčać:
«Vy padtrymlivajecie ŭkrainski kurs! Vy nie staicie na baku vienhraŭ. Vy chočacie ukrainafilski ŭrad i addać vienhierskija hrošy Ukrainie!»
Palitołah Habar Ciorak z Budapiešckaha ŭniviersiteta adznačaje, što taki styl kamunikacyi dla Orbana nie charakterny — zvyčajna padčas pieradvybarčych mitynhaŭ jon pavodzić siabie spakojna. Takaja rezkaja reakcyja moža paŭpłyvać na chod kampanii.
«Kali astatnija dva tydni projduć tak sama, heta nie abiacaje ŭradu ničoha dobraha», — adznačyŭ Ciorak u razmovie z HVG.
Płošča Siečani, dzie adbyŭsia mitynh z udziełam Orbana, nie była całkam zapoŭnienaja jaho prychilnikami — jany razmachvali ściahami i płakatami pierad scenaj, ale z kraju płoščy byli pratestoŭcy suprać Orbana.
Taksama paviedamlajecca, što mužčyny ŭ čornym pierakryli prylehłuju vulicu, trymajučysia adzin za adnaho, i nie puskali pratestoŭcaŭ na płošču. Kali pratestoŭcaŭ stała bolš, na płošču ŭvajšła palicyja, i prychilniki dy praciŭniki Orbana znachodzilisia pobač. Surjoznych sutyknieńniaŭ pamiž imi nie adbyłosia.
Horad Dźjor źjaŭlajecca epicentram palityčnaj baraćby. Čatyry hady tamu partyja «Fides» tam pieramahała, ale ŭžo vyniki vybaraŭ u Jeŭrapiejski parłamient 2024‑ha pakazali niaznačny razryŭ: 40,5% u kiroŭnaj partyi suprać 36% u apazicyjnaj partyi «Cisa».
Vybarčaja kampanija ŭ Vienhryi prachodzić na fonie surjoznych skandałaŭ. Orban upieršyniu za 16 hadoŭ moža stracić uładu, pakolki apazicyjnaja «Cisa» Pietera Madźjara maje vialikuju pieravahu i moža navat atrymać kanstytucyjnuju bolšaść. Hałasavańnie maje adbycca 12 krasavika.
Džej Dzi Vens naviedaje Vienhryju pierad parłamienckimi vybarami
«Sapraŭdny siabra i bajec». Tramp padtrymaŭ Orbana pierad vybarami ŭ Vienhryi
Jeŭrasajuz zamaroziŭ kredytny płan na 16 miljardaŭ jeŭra dla Vienhryi za toje, što taja zamaroziła 90 miljardaŭ dla Ukrainy
ES adchiliŭ Vienhryju ad unutranych pieramoŭ i sakretnaj infarmacyi z-za bojazi ŭciečak u Rasiju
ŚMI raskazali pra rasijski scenar imitacyi zamachu na Viktara Orbana pierad vybarami
U Budapiešcie prajšli masavyja mitynhi Orbana i jaho hałoŭnaha supiernika
«Ja dziakuju Bohu, što kraina, ź jakoj vy vajujecie, siońnia nie vorah Vienhryi». Orban adkazaŭ Viktaru Juščanku na jahony adkryty list
Kamientary