Прэм’ер-міністр Венгрыі Віктар Орбан закрычаў на пратэстоўцаў падчас уласнага перадвыбарчага мітынгу ў горадзе Дзьёр, які заўсёды лічыўся аплотам яго партыі. Частка людзей сустрэла яго там плакатамі і выкрыкамі пра карупцыю і эканамічны крызіс, паведамляе выданне HVG.
Падчас свайго перадвыбарчага турнэ прэм’ер-міністр Венгрыі Віктар Орбан выступаў 27 сакавіка ў горадзе Дзьёр, які дзесяцігоддзямі падтрымліваў яго партыю «Фідэс». Гэтым разам, аднак, ён сутыкнуўся з рэкорднай колькасцю пратэстоўцаў. Вялікая іх колькасць на плошчы, падобна, вывела Орбана з раўнавагі і ён пачаў на іх крычаць:
«Вы падтрымліваеце ўкраінскі курс! Вы не стаіце на баку венграў. Вы хочаце украінафільскі ўрад і аддаць венгерскія грошы Украіне!»
Палітолаг Габар Цёрак з Будапешцкага ўніверсітэта адзначае, што такі стыль камунікацыі для Орбана не характэрны — звычайна падчас перадвыбарчых мітынгаў ён паводзіць сябе спакойна. Такая рэзкая рэакцыя можа паўплываць на ход кампаніі.
«Калі астатнія два тыдні пройдуць так сама, гэта не абяцае ўраду нічога добрага», — адзначыў Цёрак у размове з HVG.
Плошча Сечані, дзе адбыўся мітынг з удзелам Орбана, не была цалкам запоўненая яго прыхільнікамі — яны размахвалі сцягамі і плакатамі перад сцэнай, але з краю плошчы былі пратэстоўцы супраць Орбана.
Таксама паведамляецца, што мужчыны ў чорным перакрылі прылеглую вуліцу, трымаючыся адзін за аднаго, і не пускалі пратэстоўцаў на плошчу. Калі пратэстоўцаў стала больш, на плошчу ўвайшла паліцыя, і прыхільнікі ды праціўнікі Орбана знаходзіліся побач. Сур’ёзных сутыкненняў паміж імі не адбылося.
Горад Дзьёр з’яўляецца эпіцэнтрам палітычнай барацьбы. Чатыры гады таму партыя «Фідэс» там перамагала, але ўжо вынікі выбараў у Еўрапейскі парламент 2024‑га паказалі нязначны разрыў: 40,5% у кіроўнай партыі супраць 36% у апазіцыйнай партыі «Ціса».
Выбарчая кампанія ў Венгрыі праходзіць на фоне сур’ёзных скандалаў. Орбан упершыню за 16 гадоў можа страціць уладу, паколькі апазіцыйная «Ціса» Петэра Мадзьяра мае вялікую перавагу і можа нават атрымаць канстытуцыйную большасць. Галасаванне мае адбыцца 12 красавіка.
Джэй Дзі Вэнс наведае Венгрыю перад парламенцкімі выбарамі
«Сапраўдны сябра і баец». Трамп падтрымаў Орбана перад выбарамі ў Венгрыі
Еўрасаюз замарозіў крэдытны план на 16 мільярдаў еўра для Венгрыі за тое, што тая замарозіла 90 мільярдаў для Украіны
ЕС адхіліў Венгрыю ад унутраных перамоў і сакрэтнай інфармацыі з-за боязі ўцечак у Расію
СМІ расказалі пра расійскі сцэнар імітацыі замаху на Віктара Орбана перад выбарамі
У Будапешце прайшлі масавыя мітынгі Орбана і яго галоўнага суперніка
«Я дзякую Богу, што краіна, з якой вы ваюеце, сёння не вораг Венгрыі». Орбан адказаў Віктару Юшчанку на ягоны адкрыты ліст
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары