Віцэ-прэзідэнт ЗША збіраецца наведаць Будапешт 7—8 красавіка, паведамляе Politico.
Вэнс стане самым высокапастаўленым амерыканскім госцем у Венгрыі з часоў візіту прэзідэнта Джорджа Буша-малодшага ў чэрвені 2006 года.
Прадстаўнікі Дзярждэпартамента і офіса віцэ-прэзідэнта не адказалі выданню пра прычыны паездкі Вэнса ў Будапешт. «Аднак дакумент выразна дэманструе праорбанаўскую накіраванасць адміністрацыі Трампа», — піша Politico.
Учора Трамп назваў прэм'ера Венгрыі Віктара Обрана сапраўдным сябрам і байцом, выказаўшы яму падтрымку.
«Ён сапраўдны сябар, баец і пераможца. Віктар Орбан ніколі не падвядзе вялікі народ Венгрыі. Я заўсёды з ім», — напісаў Трамп у сваёй сацыяльнай сетцы Truth.
Прэзідэнт ЗША падкрэсліў, што «поўнасцю падтрымлівае» пераабранне Орбана на пасаду прэм’ер-міністра. Да допісу ён дадаў сваю фатаграфію з Орбанам, зробленую ў Белым доме.
Парламенцкія выбары ў Венгрыі прызначаны на 12 красавіка.
Партыя Орбана «Фідэс», паводле апытанняў грамадскай думкі, саступае па папулярнасці апазіцыйнай партыі «Ціса» пад кіраўніцтвам Петэра Мадзьяра.
Орбан займае пасаду прэм'ера з 2010 года, гэта самы доўгі тэрмін у выбарных дэмакратыях Еўропы. Таксама ён быў прэм'ерам краіны ў 1998‑2002 гадах.
Цяпер чытаюць
Шалёна папулярная мінская блогерка патраціла на святкаванне дня нараджэння амаль $16 тысяч20
Каментары