Jeŭrasajuz zamaroziŭ kredytny płan na 16 miljardaŭ jeŭra dla Vienhryi za toje, što taja zamaroziła 90 miljardaŭ dla Ukrainy
Jeŭrapiejski Sajuz prypyniŭ zaćviardžeńnie kredytnaha płana dla Vienhryi pa abaronnaj prahramie SAFE na bolš jak 16 miljardaŭ jeŭra z-za taho, što Budapiešt błakuje vydzialeńnie 90 miljardaŭ jeŭra dapamohi Ukrainie. Pra heta paviedamlaje polskaje vydańnie rmf24.pl sa spasyłkaj na krynicu siarod jeŭrapiejskich dypłamataŭ;
Aficyjna ŭ Jeŭrakamisii kažuć, što razhlad jašče praciahvajecca, ale, pavodle nieaficyjnych źviestak, pryčyna ŭ pazicyi premjera Vienhryi Viktara Orbana. Jamu staviać u vinu toje, što jon pieraškadžaje padtrymcy krainy, jakaja viadzie vajnu z Rasijaj.
Paviedamlajecca, što rašeńnie adkłaści vienhierskuju zajaŭku razhladałasia jašče raniej, ale kančatkova na jaho paŭpłyvała pazicyja Orbana na samicie ES 19 sakavika, dzie jon znoŭ paćvierdziŭ vieta na dapamohu Ukrainie.
Akramia hetaha, u Brusiela jość i inšyja pretenzii da Vienhryi: supraciŭ novym sankcyjam suprać Rasii, prablemy z prazrystaściu tenderaŭ i niedastatkovaja baraćba z karupcyjaj.
Kredyt dla Ukrainy byŭ uzhodnieny jašče ŭ śniežni 2025 hoda, ale paśla Vienhryja zabłakavała pracedurnyja rašeńni. U Budapiešcie tłumačać heta spynieńniem tranzitu rasijskaj nafty praz Ukrainu.
Orban zajaŭlaje, što nie źmienić svaju pazicyju, pakul pastaŭki nie buduć adnoŭlenyja. Akramia taho, Vienhryja pahražaje błakavać inšyja rašeńni, źviazanyja z padtrymkaj Ukrainy i jaje zbližeńniem ź ES.
Praŭda, na 12 krasavika ŭ Vienhryi pryznačanyja parłamienckija vybary, na jakich upieršyniu za 16 hadoŭ partyja «Fides», jakaja ciapier znachodzicca pry ŭładzie, maje ŭsie šancy prajhrać.
«Sapraŭdny siabra i bajec». Tramp padtrymaŭ Orbana pierad vybarami ŭ Vienhryi
ES adchiliŭ Vienhryju ad unutranych pieramoŭ i sakretnaj infarmacyi z-za bojazi ŭciečak u Rasiju
Lidary ES nie zmahli pierakanać Vienhryju razbłakavać kredyt Ukrainie na 90 młrd jeŭra
Orban nazvaŭ dźvie pryčyny, čamu Vienhryja nie vychodzić ź ES
«Ja dziakuju Bohu, što kraina, ź jakoj vy vajujecie, siońnia nie vorah Vienhryi». Orban adkazaŭ Viktaru Juščanku na jahony adkryty list
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary
I 12 apriela priniať svoje pravilnoje riešienije.