Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
Sioleta ŭ lutym Ibrahim Karasaŭ zabiraŭ z sałonu ŭsiedarožnik Belgee Ch50 — a ciapier sprabuje apieratyŭna pazbavicca ad jaho.
Nahadajem, rasijanin Ibrahim Karasaŭ udzielničaŭ u piatym siezonie šou BT «Faktar.baj». Śpiavak z Novaha Urenhoja trapiŭ u kamandu Dzianisa Klaviera. U kamplimientarnych tekstach jaho nazyvali navat «novaŭrenhojskim Pavaroci». Darečy, pajezdka ŭ Biełaruś stała dla artysta pieršym vyjezdam za miažu Rasii.
Naprykancy studzienia stała viadoma, što mienavita Ibrahim pieramoh u finale «Faktar.baj» — Ivan Ejsmant bažyŭsia, što ŭ hałasavańni pryniała ŭdzieł 151 tysiača čałaviek.
Hałoŭnym pryzam šou byŭ usiedarožnik Belgee Ch50. Biełuju mašynu ź vielizarnym čyrvonym bantam śpiavak zabiraŭ u aŭtasałonie ŭ lutym.
«Jaki budzie pryz, ja nie cikaviŭsia da treciaha ci čaćviortaha efiru. Sapraŭdy, mnie niecikava było, ja pryjšoŭ śpiavać, zajmacca tvorčaściu. A kali mnie skazali, što hałoŭny pryz — heta aŭtamabil, padumaŭ, nu, dobra, dobra. I ja da hetaha nie vieru, što prajekt sa mnoj zdaryŭsia, nie kažučy ab mašynie!», — kazaŭ Ibrahim.
Učora rasijski śpiavak pryznaŭsia ŭ instahramie, što choča pradać usiedarožnik: «Šanoŭnyja, ja vielmi-vielmi doŭha dumaŭ i vyrašyŭ usio ž raźvitacca z mašynaj, kab ukłaści finansy ŭ napisańnie piesień».
Jak stała viadoma «Našaj Nivie», Ibrahim choča atrymać za svoj pryz ad BT $18500. Pryblizna stolki ž sioleta kaštuje novy Belgee Ch50 u bazavaj kamplektacyi.
Nie tolki ŭ Biełarusi. Prodažy kitajskich aŭto ŭ Jeŭropie rastuć šalonymi tempami
Prodažy Geely bjuć rekordy, a popyt na Lada padaje. Čamu tak?
Chto ŭziaŭ novuju «Džyli» z sałona ŭ kredyt i praz hod-dva nie škaduje? Mierkavańni padzialilisia
U Biełarusi startavali prodažy novaj madeli Lada. Što pa cenach i kolki kaštuje jaje jeŭrapiejski anałah?
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
Kamientary