Čynoŭniki patłumačyli, jakija pytańni ŭ baćkoŭskich čatach zabaronieny.
Ci zaŭsiody nastaŭnik pavinien adkazvać na paviedamleńni baćkoŭ u čatach? Ministerstva adukacyi patłumačyła.
«Piedahohi nie abaviazany adkazvać u asabisty čas, rekamiendujecca prytrymlivacca časavych ramak (zvyčajna z 8:00 da 20:00) i vykarystoŭvać čaty tolki pa vučebnych pytańniach»,
— publikujecca adkaz Ministerstva adukacyi ŭ «Nastaŭnickaj haziecie».
Kožnaja ŭstanova adukacyi raspracoŭvaje svaje praviły i vyznačaje dapuščalny čas znosin.
U baćkoŭskim čacie stvarajucca praviły. Naprykład, zabaronieny asabistyja pytańni, spam, vinšavańni i hałasavyja paviedamleńni.
Piedahoh maje prava nie adkazvać na paviedamleńni ŭ niepracoŭny čas, akramia ekstrannych situacyj. Zabaronieny prynižeńnie honaru i hodnaści, abrazy, abmierkavańnie dziaciej i kanflikty.
Dla vyrašeńnia indyvidualnych pytańniaŭ čynoŭniki rekamiendujuć pierachodzić u asabistyja paviedamleńni.
Kamientary