Rasijski biznesmien: «Rasija i Biełaruś de-fakta ŭžo adna kraina, prosta łahatypy roznyja». A niazhodnych nazyvaje kastrulami
Rasijanin Aleh Kanavalenka šmat piša ŭ Threads pra biznes — u jaho bujnaja kampanija pa ŭstanoŭcy PVCH-voknaŭ i studyja pa raspracoŭcy hulniaŭ. Niadaŭna mužčyna vyrašyŭ padzialicca dumkami nakont adnosin Rasii i Biełarusi, ale parazumieńnia nie znajšoŭ.
Aleh Kanavalenka — zasnavalnik vialikaj kampanii «Ołkon» u Rasii, jakaja vyrablaje, pradaje i ŭstanaŭlivaje płastykavyja vokny i maje filijały ŭ roznych haradach. A niekalki hadoŭ tamu Kanavalenka zapuściŭ ułasnuju studyju pa raspracoŭcy videahulniaŭ Olkon Games.
3 krasavika Aleh apublikavaŭ post pra adnosiny pamiž Rasijaj i Biełaruśsiu:
«Davajcie ŭžo pryznajemsia: Rasija i Biełaruś de-fakta ŭžo adna kraina, prosta łahatypy (ściahi) roznyja. My intehravalisia vielmi hłyboka. Byŭ u minułym hodzie tam, tamu viedaju, pra što kažu. I tak, intehracyja praciahvajecca».
Post biznesmiena pradkazalna sabraŭ bahata niezadavolenych vodhukaŭ — ciapier pad publikacyjaj Kanavalenki bolš za 300 kamientaroŭ:
«Śviata — Dzień jadnańnia narodaŭ, a nie abjadnańnia krain. U nas svaja kultura i prašu jaje nie prynižać».
«Nie vydavaj svaje žadańni za rečaisnaść».
«Praź jaki VPN zajšoŭ, kab heta napisać?».
Ale heta było jašče nie ŭsio, bo Aleh vyrašyŭ adkazać kamientataram. Atrymałasia nie vielmi pryhoža:
«Uščamilisia 30 botaŭ. Častka žyvie ŭ Taronta ci Jeŭropie. 30 čałaviek — heta 0,001% ad žycharoŭ Biełarusi.
Jak i zaŭždy: kastruli haniebna źbiehli sa svajoj krainy i ciaŭkajuć ź Jeŭropy na lubyja pasty pra Rasiju. Cikava, kali ich vyhaniać, kudy jany pabiahuć?»
Sam Kanavalenka ŭ kamientarach jašče i paździekavaŭsia z ukrainskaj movy. Ukraincy napisali jamu, što «zaraz biełarusy jamu chutka napichajuć u panamku», pry hetym słova «zaraz» hučyć pa-ŭkrainsku hetak ža, jak i pa-biełarusku.
I Kanavalenka adkazaŭ:
«Boty niachaj pišuć što chočuć, absalutna poch**. Ja im sam napichaju. Što za zaraz? Jaki zaraz?»
Inšy kamientatar napisaŭ Alehu, što kali jon ličyć siabie bratam biełarusaŭ, pavinien razumieć biełaruskuju movu. Biznesmien nie pahadziŭsia — maŭlaŭ, byŭ u Minsku, usie tam havorać pa-rusku. Jamu zrabili zaŭvahu pa-biełarusku, što jon prosta nie moh fizična čuć usich biełarusaŭ — voś što toj adkazaŭ:
«Nie panimać. Ruskij havaryć».
U 2025‑m Kanavalenka vykazvaŭsia nakont rasijan, jakija vybirajuć emihracyju:
«Pajeździŭšy trochi pa Jeŭropie i pabyvaŭšy ŭ ZŠA, ja ščyra dziŭlusia ludziam, jakija siońnia marać pajechać tudy žyć. Ja razumieju ŭ 90‑ia hady. Tak, tady Rasija była adstałym i bieśpierśpiektyŭnym miescam. Ale siońnia?
Mahčymaściaŭ — mora, servis — najlepšy ŭ śviecie, ludzi — spahadlivyja. Svaja kultura, mova, svajaki — heta bonusam. Padarožničajcie! Heta tak, a emihravać niama nijakaha sensu».
«Naša Niva» — bastyjon biełaruščyny
PADTRYMAĆCiapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Mnie i 25 hod tamu było poch ..na michałkovych tołstych t ci jašče.iakuju albac a tutaka hetaja ...
Čamu ? Kali nie stanie na karcie śvietu takoj dziaržavy, jak Biełaruś, a stanie čarhovaja kałonija pasiei, to nijakaj demakratyi , pravoŭ čałavieka, pakoju nie budzie nikoli. Bo ŭ pasiejskich impieryjach nikoli demakratyi nie było i nie budzie. Bo pasieja heta Manholskaja (K. Marks) impieryja. U Manholskich impieryjach demakratyi nie moža być navat tearetyčna .