U astranaŭtaŭ «Artemidy II» ŭźnikła pieršaja prablema: złamałasia kaśmičnaja prybiralnia
Padčas misii «Artemida II», jakaja startavała hetaj nočču, u astranaŭtaŭ uźnikli prablemy z tualetnaj sistemaj kaśmičnaha karabla Orion. U pačatku palotu jany zaŭvažyli sihnał ab niaspraŭnaści sistemy ŭtylizacyi adkidaŭ — indykatar pačaŭ mihać pierad važnym manieŭram.
Spačatku samastojna vyrašyć prablemu nie atrymałasia. Tady ekipaž źviazaŭsia sa śpiecyjalistami centra kiravańnia palotami ŭ Chjustanie. Razam jany zmahli adnavić pracu sistemy, niekalki razoŭ pierazapuściŭšy jaje. Akazałasia, što zakliniła vientylatar unitaza.
Hetaja tualetnaja sistema vykarystoŭvajecca ŭpieršyniu ŭ piłatavanaj misii ŭ daloki kosmas. Jana pracuje pa pryncypie ŭsmoktvańnia i pa funkcyjach nahadvaje zvyčajny ŭnitaz.
Dla paraŭnańnia, u starych misijach prahramy «Apałon» astranaŭty karystalisia śpiecyjalnymi pakietami dla zboru adkidaŭ, jakija paśla pakidali na Miesiacy, kab źmienšyć vahu karabla pierad viartańniem na Ziamlu.
Sama misija «Artemida II» startavała ŭ pačatku krasavika z kasmadroma ŭ Fłarydzie. Na praciahu dziesiaci dzion čatyry astranaŭty pavinny ablacieć Miesiac i viarnucca nazad.
ZŠA adpravili kaśmičny karabiel z astranaŭtami na Miesiac
Čałaviek znoŭ lacić da Miesiaca. NASA siońnia adpraŭlaje pieršy za paŭstahodździa piłatavany karabiel da spadarožnika Ziamli — misiju «Artemida-2»
NASA adkłała vysadku astranaŭtaŭ na Miesiac da 2028 hoda
Mask: Harady na Miesiacy źjaviacca na praciahu 10 hadoŭ, na Marsie — praź niekalki dziesiacihodździaŭ
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»37
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary