У астранаўтаў «Артэміды ІІ» ўзнікла першая праблема: зламалася касмічная прыбіральня
Падчас місіі «Артэміда II», якая стартавала гэтай ноччу, у астранаўтаў узніклі праблемы з туалетнай сістэмай касмічнага карабля Orion. У пачатку палёту яны заўважылі сігнал аб няспраўнасці сістэмы ўтылізацыі адкідаў — індыкатар пачаў мігаць перад важным манеўрам.
Спачатку самастойна вырашыць праблему не атрымалася. Тады экіпаж звязаўся са спецыялістамі цэнтра кіравання палётамі ў Х’юстане. Разам яны змаглі аднавіць працу сістэмы, некалькі разоў перазапусціўшы яе. Аказалася, што заклініла вентылятар унітаза.
Гэтая туалетная сістэма выкарыстоўваецца ўпершыню ў пілатаванай місіі ў далёкі космас. Яна працуе па прынцыпе ўсмоктвання і па функцыях нагадвае звычайны ўнітаз.
Для параўнання, у старых місіях праграмы «Апалон» астранаўты карысталіся спецыяльнымі пакетамі для збору адкідаў, якія пасля пакідалі на Месяцы, каб зменшыць вагу карабля перад вяртаннем на Зямлю.
Сама місія «Артэміда II» стартавала ў пачатку красавіка з касмадрома ў Фларыдзе. На працягу дзесяці дзён чатыры астранаўты павінны абляцець Месяц і вярнуцца назад.
ЗША адправілі касмічны карабель з астранаўтамі на Месяц
Чалавек зноў ляціць да Месяца. НАСА сёння адпраўляе першы за паўстагоддзя пілатаваны карабель да спадарожніка Зямлі — місію «Артэміда-2»
NASA адклала высадку астранаўтаў на Месяц да 2028 года
Маск: Гарады на Месяцы з'явяцца на працягу 10 гадоў, на Марсе — праз некалькі дзесяцігоддзяў
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары