Vyprabavańni byli i raniej, ale tady vyśvietliłasia, što častka prypynkaŭ dla jaho zakarotkaja.
Na vulicy Vilni dniami vyjechaŭ trochsiekcyjny Solaris Urbino 24 electric daŭžynioj 24,8 mietra. Jon źmiaščaje da 183 pasažyraŭ, ale ciapier horad praviaraje mienavita hatoŭnaść vulic i prypynkaŭ da transpartu takoha pamieru, piša «Vołna».
Z 18 žniŭnia śpiecyjalisty haradskoha transpartu vypraboŭvali manieŭranaść aŭtobusa na pavarotach i kruhavych raźviazkach, praviarali, ci źmiaščajecca jon na prypynkach i ŭ zajeznych kišeniach, a taksama madelavali pałomku i evakuacyju mašyny.
Aŭtobus vyvučali na ŭčastkach, jakija mohuć uvajści ŭ transpartnuju sietku Vilni ŭ 2030—2035 hadach.
20 žniŭnia byŭ apošni dzień vyprabavańniaŭ, paśla čaho demanstracyjnaja mašyna adpravicca ŭ Ryhu.
Batarei jomistaściu 704 kVt·h chapaje na 260 kiłamietraŭ. Poŭnaja zaradka ad stancyi mahutnaściu 150 kVt zajmaje 4 hadziny 45 chvilin.
Padobny 24‑mietrovy tralejbus užo vypraboŭvali ŭ Vilni ŭ 2021—2022 hadach — tady vyśvietliłasia, što častka prypynkaŭ dla jaho zanadta karotkaja.
Ciapierašni Solaris horad pakul nie nabyvaje: va ŭžo zaklučany kantrakt na 112 elektrobusaŭ uvachodziać tolki 12– i 18‑mietrovyja MAN, jakija pavinny prybyć da kanca 2027 hoda. Samu mahčymaść zakupki 25‑mietrovych mašyn VVT razhledzić nie raniej za 2030 hod — kali jany spatrebiacca na najbolš zahružanych maršrutach.
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary