Mask: Harady na Miesiacy źjaviacca na praciahu 10 hadoŭ, na Marsie — praź niekalki dziesiacihodździaŭ
Zasnavalnik SpaceX, milijarder Iłan Mask płanuje ŭ najbližejšyja dziesiacihodździ pačać budaŭnictva haradoŭ na Miesiacy i Marsie, paviedamlaje Bi-bi-si.
Pryjarytet — u miesiacovaha prajekta, vynikaje z pasta Maska ŭ Ch. U adroźnieńnie ad Marsa, paloty da jakoha mahčymyja raz u 26 miesiacaŭ, kali jon znachodzicca bližej za ŭsio da Ziamli, paloty na Miesiac mohuć ździajśniacca raz u dziesiać dzion i zojmuć usiaho dva dni, u toj čas jak da Marsa treba budzie lacieć paŭhoda, ličyć Mask.
Miesiacovy prajekt prademanstruje pieršyja vyniki na praciahu dziesiaci hadoŭ, marsijanski — nie mienš čym praz dvaccać, miarkuje jon.
U svaju čarhu, NASA taksama płanuje ŭpieršyniu za apošnija 50 hadoŭ adpravić ludziej na Miesiac. Meta prahramy «Artemida» — vysadzić astranaŭtaŭ na Miesiac i z časam stvaryć tam doŭhaterminovuju prysutnaść. Druhi zapusk u ramkach hetaj prahramy niekalki razoŭ pieranosiŭsia, jak miarkujecca, jon adbudziecca ŭ pačatku sakavika 2026 hoda.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary