Rasija ŭsio čaściej vykarystoŭvaje reaktyŭnyja drony, kab Ukraina traciła rakiety dla SPA
Rasija ŭsio čaściej vykarystoŭvaje padčas udaraŭ pa Ukrainie reaktyŭnyja bieśpiłotniki, što ŭskładniaje pracu ŭkrainskaj supraćpavietranaj abarony. Pra heta paviedamiŭ pres-sakratar Pavietranych sił Ukrainy Juryj Ihnat.
Pavodle słoŭ Juryja Ihnata, takija bieśpiłotniki mohuć raźvivać chutkaść da 500 kiłamietraŭ za hadzinu. Z-za hetaha ŭkrainskija drony-pierachopniki, maksimalnaja chutkaść jakich składaje kala 300 kiłamietraŭ za hadzinu, užo nie mohuć ich efiektyŭna pieraśledavać. U vyniku dla źniščeńnia takich celaŭ davodzicca vykarystoŭvać rakiety sistem supraćpavietranaj abarony, zapasy jakich abmiežavanyja.
Taksama Ihnat paviedamiŭ, što padčas apošniaj masavanaj ataki na Ukrainu rasijskija vojski prymianili kala šaści baražujučych bojeprypasaŭ «Banderol». Pa słovach pres-sakratara Pavietranych sił Ukrainy, pa svaich lotnych charaktarystykach «Banderol» padobnaja da kryłataj rakiety, adnak ukrainskaja SPA maje srodki dla jaje pierachopu.
Hałoŭnakamandujučy Uzbrojenymi siłami Ukrainy Alaksandr Syrski raniej zajaŭlaŭ, što Rasija pastajanna źmianiaje taktyku vykarystańnia bieśpiłotnikaŭ, pavialičvaje ich kolkaść i ŭdaskanalvaje kanstrukcyju. Pavodle jaho acenki, u pierśpiektyvie reaktyŭnyja drony mohuć składać da pałovy ŭsich udarnych bieśpiłotnikaŭ.
Pavodle źviestak Hałoŭnaha ŭpraŭleńnia raźviedki Ministerstva abarony Ukrainy, Rasija ŭžo vykarystoŭvaje niekalki madyfikacyj bieśpiłotnikaŭ siamiejstva «Hierań». Madel «Hierań-3» atrymała turbareaktyŭny ruchavik, što dazvalaje joj raźvivać značna bolšuju chutkaść, čym raniejšyja viersii. U pačatku 2026 hoda, pavodle ŭkrainskaha boku, upieršyniu byŭ zafiksavany i novy bieśpiłotnik «Hierań-5», jaki maje jašče bolš mahutny reaktyŭny ruchavik.
Paviedamlajecca, što hety aparat zdolny nieści bajavuju častku masaj da 90 kiłahramaŭ i pieraadolvać adlehłaść kala tysiačy kiłamietraŭ, što dazvalaje jamu dasiahać luboha punkta na terytoryi Ukrainy.
Ukrainski bok adznačaje, što, niahledziačy na nieabchodnaść vykarystoŭvać darahija rakiety supraćpavietranaj abarony, efiektyŭnaść pierachopu pavietranych celaŭ zastajecca vysokaj i pieravyšaje 90 pracentaŭ.
«Šturmy ŭ kredyt». Čym adroźnivajecca front u spravazdačach rasijskaha Hienštaba ad realnaści
«Usia Kanstancinaŭka siońnia — šeraja zona». Što ciapier robicca ŭ klučavym horadzie na froncie ŭ Danbasie
Kijeŭ atakavali rasijskija «Banderoli». Što heta za dron-rakieta i ci stanuć ataki masavymi?
«Adhetul ličycie jaho vostravam». Chto i jak pravodzić apieracyju «adsiačeńnia» Kryma
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu25
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary