Tramp zvolniŭ hienieralnaha prakurora. Heta moža być źviazana sa spravaj Epštejna
Prezident ZŠA Donald Tramp zvolniŭ hienieralnaha prakurora krainy Pem Bondzi. Pavodle paviedamleńniaŭ ŚMI, rašeńnie było źviazana ź niezadavolenaściu jaje pracaj, u tym liku ŭ spravie, źviazanaj z daśje Džefry Epštejna, piša Bi-bi-si.
Časova vykonvać abaviazki hienieralnaha prakurora budzie namieśnik Bondzi Tod Błanš, jaki raniej byŭ asabistym advakatam Trampa.
Pavodle krynic ahienctva Associated Press, Tramp užo niekatory čas razhladaŭ mahčymaść zamieny Bondzi i navat abmiarkoŭvaŭ kandydaturu Li Ziełdzina, jaki ciapier uznačalvaje Ahienctva achovy navakolnaha asiarodździa.
Asnoŭnyja pretenzii Trampa nibyta tyčylisia taho, jak Bondzi pracavała z materyjałami pa spravie Epštejna, a taksama što ŭźnikali ciažkaści ŭ rasśledavańniach suprać jahonych palityčnych apanientaŭ.
Niahledziačy na zvalnieńnie, u aficyjnaj zajavie Tramp adznačyŭ, što ličyć Bondzi dobraj śpiecyjalistkaj i vysoka aceńvaje jaje pracu.
60‑hadovaja Pem Bondzi — daśviedčanaja jurystka i daŭniaja prychilnica Donalda Trampa. U 2011 hodzie jana była abranaja hienieralnym prakuroram štata Fłaryda i stała pieršaj žančynaj na hetaj pasadzie. Jana pracavała tam da 2019 hoda.
U 2020 hodzie Bondzi ŭvachodziła ŭ kamandu advakataŭ Trampa padčas pieršaj sproby abjavić jamu impičmient. Tady prezidenta abvinavačvali ŭ złoŭžyvańni ŭładaj — u tym, što jon nibyta cisnuŭ na ŭłady Ukrainy, kab pačać rasśledavańnie suprać Džo Bajdena, jaki bałatavaŭsia ŭ prezidenty. U vyniku Tramp byŭ apraŭdany.
Da 2024 hoda Bondzi kiravała jurydyčnym kirunkam u pratrampaŭskim analityčnym centry America First Policy Institute.
Paśla pieramohi na vybarach u 2024 hodzie Tramp vyłučyŭ jaje na pasadu hienieralnaha prakurora ZŠA. Pieršapačatkova jon razhladaŭ inšuju kandydaturu — Meta Hiotca, ale toj sam admoviŭsia z-za skandałaŭ i rasśledavańniaŭ suprać jaho.
U vyniku Bondzi była zaćvierdžanaja Sienatam i zaniała pasadu ŭ pačatku lutaha 2025 hoda. Na hetaj pasadzie jana prapracavała kala hoda i dvuch miesiacaŭ.
Najbližejšaja pamočnica Epštejna akazałasia dačkoj rasijskaha čekista, zaniataha na dziaržaŭnych prajektach u Iranie
Kala Kanhresa ZŠA pastavili statuju Trampa ŭ abdymkach Epštejna na nosie «Tytanika»
Apublikavali dakumienty pa spravie Epštejna z abvinavačvańniami suprać Trampa
«Ničoha nie bačyŭ i ničoha drennaha nie rabiŭ». Bił Klintan raskazaŭ pra svaje suviazi z Epštejnam
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary