U toj čas jak fjučarsnyja ceny na naftu Brent užo try tydni ŭ cełym trymajucca ŭ dyjapazonie $100—112 za baral, realnyja pastaŭki fizičnaj nafty ź imhniennaj adhruzkaj kaštujuć značna daražej.
Heta źjaŭlajecca vynikam značnaha deficytu nafty ŭ dadzieny momant i čakańnia deeskałacyi na Blizkim Uschodzie praź miesiac-dva, kali pavinny buduć ažyćciaŭlacca pastaŭki pa fjučersnych kantraktach, piša Moscow Times.
Košt partyj nafty Dated Brent, jakija zaraz pradajucca i adhružajucca ŭ Paŭnočnym mory, dasiahnuŭ $141,37, paviedamlaje Bloomberg sa spasyłkaj na S&P Global, jakaja publikuje hetyja ceny. Heta nie tolki vyšej za ŭzroŭni, što naziralisia paśla ŭvarvańnia Rasii va Ukrainu ŭ 2022 hodzie, ale i maksimum ź lipienia 2008 hoda, kali ceny na naftu dasiahnuli histaryčnych pikaŭ pierad pačatkam hłabalnaha finansavaha kryzisu.
«Papiarovyja rynki», heta značyć biržy, dzie handlujucca fjučarsnyja kantrakty, «całkam adarvalisia ad fizičnych», dzie ažyćciaŭlajucca biahučyja pastaŭki, apisvaŭ sučasnuju situacyju Bloomberg Džef Kiery, dyrektar pa enierhietyčnaj stratehii Carlyle Group: «My sutyknulisia ź nievierahodnym šokam na baku prapanovy».
Da pačatku vajny ŭ Iranie krainy Piersidskaha zalivu pastaŭlali na suśvietny rynak kala 20 młn baralaŭ nafty i naftapraduktaŭ u sutki.
Skaračeńnie ekspartu ŭ vyniku pierakryćcia Armuzskaha pralivu ŭdałosia častkova kampiensavać Saudaŭskaj Aravii, jakaja pieranakiravała naftu pa trubapravodzie ŭ Čyrvonaje mora i daviała pastaŭki da 7 młn baralaŭ u sutki, i AAE, jakija kačajuć pa trubapravodzie za miežy Piersidskaha zaliva 1,5 młn baralaŭ. Adnak bolš za pałovu davajennych pastavak pa-raniejšamu niedastupna.
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik1
Kamientary