Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
Śpiavačka kaža, što ŭ chutkim časie paśla zatrymańnia ŭ maci pačalisia prablemy sa zdaroŭjem, pryjšłosia rabić składanuju apieracyju.
U 2020 hodzie biełaruskaja śpiavačka Ryta Dakota, jakaja ŭ toj momant žyła i aktyŭna vystupała ŭ Rasii, padtrymała pratesty ŭ Biełarusi i vypuściła pieśniu «Uchodi», jakuju adrasavała Łukašenku.
Sama Dakota paśla hetaha trapiła ŭ čorny śpis artystaŭ — vystupać na radzimie joj bolš nie dazvalali. A ŭ 2022 hodzie ŭ adnym z łukašysckich telehram-kanałaŭ źjaviłasia infarmacyja pra zatrymańnie Śviatłany Hierasimovič, maci Ryty.
Niekalki hadoŭ Ryta Dakota admaŭlałasia adkazvać na pytańni pra maci. Kazała, što taja sama raskaža, što adbyłosia, kali paličyć patrebnym.
I voś ciapier artystka narešcie vyrašyła raskazać, što tady zdaryłasia. Pa słovach Dakoty, jana doŭha maŭčała, bo chvalavałasia, što publičnaść paškodzić maci: «Bajałasia, što ad majoj ahałoski joj stanie tolki horš, što jaje znojduć i razłučać nas na doŭhija hady».
Dakota piša, što jaje maci była nastaŭnicaj u pačatkovaj škole:
«Budučy samym spraviadlivym, empatyčnym i nieabyjakavym čałaviekam na hetaj ziamli, maja mama nie zmahła prajści mima natoŭpu siłavikoŭ, jakija bili kirzavymi botami pa hałavie lažačaha junaka ŭ Minsku siarod biełaha dnia. Mama kryčała, što tak nielha, sprabavała zaklikać da čałaviečnaści. Zrazumieła, nichto słuchać piensijanierku nie staŭ, hruba admachnuŭšysia ad jaje».
Pa słovach Ryty, maci viarnułasia dadomu vielmi ŭražanaja tym, što pabačyła, — i napisała niejki emacyjny kamientar u sacsietkach: «Za heta joj inkryminavali «publičnuju abrazu pradstaŭnika ŭłady ŭ suviazi z vykanańniem im słužbovych abaviazkaŭ» i «kibierbulinh».
Ryta kaža, što ŭ maci cudam atrymałasia źjechać ź Biełarusi, bo jaje pavinny byli pasadzić.
Paśla zatrymańnia ŭ Śviatłany pačalisia mocnyja prablemy sa zdaroŭjem. Pryjšłosia rabić apieracyju, žančyna apynułasia ŭ invalidnym vazku.
A čornaja pałasa ŭ žyćci Ryty nie zakančvałasia — u niejki momant joj zabaranili vystupać i na terytoryi Rasii (vajnu va Ukrainie jana nie padtrymała).
Artystka hety čas kłapaciłasia pry maci. Straciła vialikuju častku prybytku praz zabaronu na kancerty, pastaviła na paŭzu svajo žyćcio i za hod napisała tolki adnu pieśniu — «Ja ŭ siabie jość».
Ciapier śpiavačka žyvie ŭ ZŠA.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA58
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny55
Kamientary