Śpiavačka Ryta Dakota vučycca razam z mužam na chryścijanskaha psichołaha
Biełaruskaja śpiavačka ciažka pieražyvaje zabaronu na vystupy ŭ Rasii. Ale jaje muž Fiodar Biełahaj raspavioŭ, što jany pajšli vučycca na nie vielmi typovuju dla artystaŭ śpiecyjalnaść.
Adkazvajučy na pytańni padpisčykaŭ, druhi muž Ryty pryznaŭsia: roŭna hod tamu jon z žonkaj pačaŭ trochhadovaje navučańnie na chryścijanskaha psichołaha.
Letaś śpiavačka raspaviadała, što latała vučycca ŭ ZŠA ŭ štat Aryzona — cikaviŭ jaje Instytut bijakibiernietyki. Tam da hałavy biełaruski padklučali datčyki, kab vyśvietlić, jak uździejničajuć na mozh roznyja techniki miedytacyi. Kaža, šukali varyjanty, jakija dapamahajuć čałavieku źmianić žyćcio.
— Pierakładajučy sa składanaj navukovaj na zrazumiełuju čałaviečuju — jość u mozhu častoty, na jakich ty ssyš, nie vieryš u siabie, tryvožyšsia, sumniaješsia. Na ich prymajucca davoli dziarmovyja rašeńni. A jość chvali, na jakich ty ŭ maksimalnaj uśviadomlenaści i jasna bačyš svaje sapraŭdnyja mety plus samy karotki šlach da ich. Na ich prymajucca najlepšyja rašeńni. Miedytacyja (kali jana pravilnaja) treniruje mozh znachodzicca ŭ druhich.
Ryta Dakota raspaviadała, što za čas vučoby prateściravała na sabie amal usie miedytacyi, jakija viedała, i navukova paćvierdziła, jakija ź ich krutyja, a jakija biessensoŭnyja.
— Ja šalona kajfanuła ad dośviedu, atrymała siertyfikat i stała krychu lepš raźbiracca ŭ niejrafizijałohii.
Razam z mužam śpiavačka ładzić prajekt «Miedytoryum», dzie prasoŭvaje mienavita roznyja techniki miedytacyi. Paśla vučoby ŭ ZŠA ŭ biełaruski źjaviłasia novaja ideja:
— A što, kali rasijskija navukoŭcy, vychadcy z MDU i psichołahi, praviaduć sapraŭdnaje daśledavańnie i dakažuć, što miedytacyja z «Miedytoryuma» nie tolki biaśpiečnaja, ale i efiektyŭnaja?
Artystka śćviardžaje, što dva tydni navukoŭcy vyvučali, jak miedytacyi jaje muža ŭździejničajuć na mozh inšych ludziej, i byccam paćvierdzili, što tyja karysnyja.
Ryta Dakota raskazała, čamu joj zabaranili śpiavać u Rasii — biełaruski i rasijski «čornyja śpisy» ŭnifikavali
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała
Biełaruskaja śpiavačka Ryta Dakota atrymała rasijskaje hramadzianstva paśla ŭvarvańnia Rasii va Ukrainu
«Ja straciła sens žyćcia». Śpiavačcy Rycie Dakota zabaranili vystupać u Rasii
Kamientary