Tramp moža adkłaści ŭdary pa cyvilnaj i enierhietyčnaj infrastruktury Irana ŭ apošniuju chvilinu
Džej Dzi Vens, Styŭ Uitkaf i Džared Kušnier pierakananyja, što jamu varta pasprabavać zaklučyć pahadnieńnie z Tehieranam.
Prezident ZŠA Donald Tramp moža adkłaści ŭdary pa cyvilnaj i enierhietyčnaj infrastruktury Iran, paviedamlaje Axios.
Staršy čynoŭnik amierykanskaj administracyi raskazaŭ Axios, što ciapier prezident ZŠA Donald Tramp sutykajecca z važnym rašeńniem u ścisłyja terminy: vykanać svaju pahrozu źniščyć infrastrukturu Irana abo znoŭ pieranieści ŭłasny termin, kab dać pieramovam šaniec.
«Kali prezident ubačyć, što pahadnieńnie naśpiavaje, jon, vierahodna, pačakaje. Ale tolki jon i tolki jon prymaje heta rašeńnie», — raskazaŭ surazmoŭca vydańnia.
Pavodle danych Axios, Tramp zajmaje najbolš vajaŭničuju pazicyju adnosna Irana ŭ paraŭnańni z členami svajho kabinieta. Adnak vice-prezident Džej Dzi Vens, śpiecyjalny pasłańnik Styŭ Uitkaf i ziać prezidenta Džared Kušnier pierakananyja, što jamu varta pasprabavać zaklučyć pahadnieńnie z Tehieranam.
Adkaz iranskaha boku na prapanovu Vašynhtona ab pieramirji ŭ Biełym domie ŭspryniali nie jak admovu, a jak pieramoŭny manieŭr.
U toj ža čas dźvie nienazvanyja krynicy paviedamili vydańniu, što płan maštabnaj amierykana-izrailskaj bambardzirovačnaj kampanii suprać enierhietyčnych abjektaŭ Irana hatovy, kali Tramp addaść zahad.
«Tramp pahadziŭsia b na pahadnieńnie, kali b jaho atrymali, ale nieviadoma, ci hatovy irancy. Situacyja budzie nadzvyčaj napružanaj da aŭtorka (7 krasavika)», — skazaŭ krynica ŭ ZŠA, blizkaja da Trampa.
Uviečary ŭ paniadziełak Tramp nazvaŭ novy dedłajn ultymatumu Iranu: 20‑ia viečara aŭtorka pa vašynhtonskim časie (u Minsku budzie treciaja ranicy sierady).
«Da apoŭnačy zaŭtrašniaha dnia kožny most u Iranie budzie całkam źniščany, a kožnaja elektrastancyja ŭ Iranie vyjdzie z ładu — jany buduć hareć, vybuchać i bolš nikoli nie buduć vykarystoŭvacca. Heta moža adbycca na praciahu čatyroch hadzin, kali my zachočam. Ale my nie chočam, kab heta adbyłosia», — skazaŭ amierykanski lidar.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary
[Zredahavana]
Paśla słoŭ cieścia u bok prynca saudita prefierencyj adkataŭ zamoŭleń pamianšaje ci uvohule źniknut...
Nijakaha kłopata ab karyści ZŠA tolki biźniś ...ni majcie iluzij