Pamior Hienadź Ciarenia, deputat Viarchoŭnaha Savieta CHIII sklikańnia. Pra śmierć Ciareni paviedamiła ŭ fejsbuku byłaja supracoŭnica Viarchoŭnaha Savieta Valancina Śviackaja. Jamu było 77 hadoŭ, piša «Radyjo Svaboda».
Hienadź Ciarenia naradziŭsia 9 maja 1948 hoda ŭ vioscy Stajki Aršanskaha rajona.
U 1967 hodzie jon skončyŭ Aršanski technikum transpartu, u 1976 hodzie — fakultet fiłasofii Biełaruskaha dziaržaŭnaha ŭniviersiteta, u 1990 hodzie — Akademiju milicyi MUS Biełarusi, a ŭ 1997 hodzie — Akademiju kiravańnia pry Prezidencie Respubliki Biełaruś pa śpiecyjalnaści «mižnarodnaje prava».
Paśla vučoby pracavaŭ u roznych strukturach, źviazanych z čyhunkaj i milicyjaj. Spačatku byŭ kiraŭnikom hruzavoha punkta na stancyi Ściapianka, paźniej zajmaŭ pasady ŭ hetaj ža stancyi i pracavaŭ inžynieram u sistemie Biełaruskaj čyhunki. Z 1974 pa 1996 hod słužyŭ u orhanach milicyi, dzie ŭźniaŭsia da pasady namieśnika kiraŭnika kryminalnaj milicyi i kiravaŭ padraździaleńniem pa baraćbie z ekanamičnymi złačynstvami.
Taksama jon udzielničaŭ u palityčnym žyćci krainy. U niezaležnaj Biełarusi ŭstupiŭ u Abjadnanuju hramadzianskuju partyju, a na parłamienckich vybarach 1995 hoda bałatavaŭsia jak biespartyjny ŭ Sieńnienskim rajonie. Staŭšy deputatam Viarchoŭnaha Savieta, jon pracavaŭ u kamisii pa ekanamičnaj palitycy i reformach i ŭvachodziŭ u apazicyjnuju frakcyju, jakaja vystupała suprać palityki Łukašenki.
Paśla kanstytucyjnych źmianieńniaŭ u 1996 hodzie jon nie ŭvajšoŭ u Pałatu pradstaŭnikoŭ, stvoranuju Łukašenkam, a jahony deputacki mandat farmalna praciahvaŭsia pavodle staroj Kanstytucyi da 2001 hoda, choć novyja vybary tak i nie adbylisia.
Paśla kanstytucyjnaha pieravarotu 1996 hoda jon byŭ u apazicyi da Alaksandra Łukašenki. Tady častka deputataŭ, jakija ŭ listapadzie 1996 hoda nie pryznali rospusk Viarchoŭnaha Savieta, vybrali jaho namieśnikam staršyni parłamienta Siamiona Šareckaha.
Raźvitańnie z Hienadziem Ciareniem adbudziecca 8 krasavika ŭ Minsku z 12.00 da 13.00 u raźvitalnaj zale pa vulicy Kulašova, 49.
Ciapier čytajuć
Brat Koli Łukašenki buduje farmaceŭtyčny kompleks za $10 miljonaŭ10
Brat Koli Łukašenki buduje farmaceŭtyčny kompleks za $10 miljonaŭ
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary